RALRAAM IN A RAK KIR MI BUAL BATALION SUNGLAWI TEIN AN DON HNA

Himtein Thantlang CDF chungin ralram ah akal mi Bual battalion hna cu donnak an tuah hna. Hi konghe pehtlaiin in thanhnak an tuah mi cu CDF Ralram In A Rak Tlung Mi Hna Cu An Hawile Nih Tikir Ah An Don Hna!CDf-Thantlang Bual Battalion ralkap ralram in a rak tlung mi hna cu an hawile nih Tikir khua ah lunglawm tein an don hna i, khuanu khuapa le Pastor te nih telpi in, thlacam piaknak an ngeih hna, tiah theih a si.

Thawngpang dang. Falam Khuachung Puahkehnak Kong Update!Falam khuachung ah zaan ah chuah lo ding, tiah SAC ralkap nih thawng an rak thanh cang mi he pehtlai in tuzan muika ahkhan mino pahnih cu khuachung ah an chuak i, SAC ralkap nih an kah hna. Kah a tong mi mino pakhat cu a nunnak a liam i, a ruak zong laak khawh a si rih lo. Pakhat tu cu a zaam manh tiah theih a si. Credit: TCP

Hakha le Falam karlak kahdohnak ah CDF-Hakha ralkap Salai Biak Hnin nih ram le miphun ca ah a nunnak a pek, tiah thawngpang kan theih. Nizaan July 14 ah a cangmi Chuncung le Dokthek karlak kahdohnak ah Salai Biak Hnin a nunnak a liam hi a si.

CDF ralkap a hawile nih Salai Biak Hnin i a ruak cu tlamtling tein an lak cang, tiah minung pakhat nih The Chin Journal ah a chim.Falam-Hakha karlak kahdohnak ah hin CDF-Matupi Salai Alawng le atu CDF-Hakha in Salai Biak Hnin nih an nunnak an pek cang.

Atu tiang ah SAC ralhrang lei zong in minung 35 leng an thi ve cang. Hakha lei a rak panhmi SAC ralhrang nih Chuncung khua cu nizaan le nihin ah mei in an khangh tthan i atu ca kan ttial lio caan ah hin inn 15 hrawng a ciam cang. Credit: The Chin Journal.