A HMAN KHOTUK, A HMUN A PHAK HNU AH A VUN LANGHTER

Salai Ram Tin Thei: Lairam Ka Va Tlawn Hnu In CDFs/CNA Kong Tial Le Comment Kai Sum, Ka Hrial. Kan tialmi tlangkhat le kan chimmi kakhat nih minung pumpak pakhat zong a hrawhkhawh bang, bupi tiang a hnursuan khawh. Ka theih komi zong chim kai sum.

Ka tialmi tlangkhat te nih, kan nusal pasal tha hna an ngaihchiatnak le an hnabei donghnak asi lai ti ka phang. Ka hngalh komi zong tial kai sum.Social media le a langin rak cuanhmi le a tak a hmun (ground) i thil sining a rak idan zia, raltuk timi tih a nun le mi caah chim, mi va forh te hna a fawi zia a ka fianter.

Mikut in rultlaih kan lo sual lai tiah, kai sum. Micheukhat thil kan theih huahalo buin kan hei ithlak huam ning, kan i ceihcumning, negative catial le comment kan huamning hna zoh ah; nih hna kan chuak pah, tahha hna a mang, zangfaak hna kan si pah.An mawhlo. Khi hna pawl va leh len kai sum.Nunnak a thaapmi le a taak in a tuanmi hna thazaang kan pek khawh hnalo tal ah, daite in um hi a tha. Kan theih kan fianlo tikah, isum khawh hi a rak tha bak fawn

Thawngpang dang. Rakhine ramkulh PunnaKyun khuachung ah SAC ralkap chungtel pakhat cu nihin June 16, zaanlei suimilam 3:00 hrawng ah AA nih an tlaih, tiah tualchung mi nih an chim. Tlaih a tongmi SAC ralkap cu PunnaKyun khuachung um khah-mah-yiah 550 chungtel a si i, khuachung in battalion lei a kal lio, AungMinGala tikhor pawng ah tlaih a si, tiah an chim.

Tlaih a tongmi SAC ralkap cu 2 an si i, pakhat cu a zaam manh. Tlaih a tongmi SAC ralkap pa cu, khuachung mi choklet hna cycle toolbox cu honter in chekhlatnak a tuah tawntu a si i, civil mi hna sin ah a nawlngeihnak a langhter tuk tawn mi a si, a min le a reng belte cu kan hngal lo,” tiah an chim.

A luancia June 11 ah khan KyaukṬaw khuachung dawr ah SAC ralkap 2 cu AA nih an rak tlaih bal cang hna. Atu bantuk in SAC ralkap kan tlaih hnanak a ruang cu SAC ralkap nih ULA/AA ralkap hna cu an umnak inn ah luhhnawh in an tlaih tawn hna caah kanmah lei zong nih kan tlaih ve hna hi a si tiah AA in chim phuannak nawlngeitu Khine Tu Kha nih June 14 ah a chim. Credit: The Chin Post.