A HRUT BIK LE A LUNGKHONG BIKMI CHIN MIPHUN

CHIN Mi Pengtlang Hruaitu le Mipi nih Nationalism Kan Ngeih khawh Lo Cun Tutan Dothlennak Hi Kan Miphun Tlaunak Tu Si lai! Vawilei cung miphun vialte lak I a hrut bik alung khong bik mi Chin miphun. Tuni tiang zong nationalism zong angei kho bal lo mi hrut lawngte.

Tribalism lawng te a khat mi Chin mi phun, 21st century zong kan phan cang, miphun dang cu space hmanh ah khual an tlawng cang. Atu ning te in mah le Pengtlang CDF le tangkawmh ralkap (CJDF )tuktek in cun Chin ram humhim cu chim lo, Bawi kan ni cuhnak ah kan mah le kan mah kan I huatnak a karh chin te lai. Adonghnak ah cun Salai Lung Thli Tum nihchuak men kan si te lai.

Ruat hmanh uh 21st century hmanh I khua min chal in ram le miphun ca I tangka thawh hau kan si rih hi, zeitluk indah nizak le nichuak kan si. Tenau si le kan duh lo, lungthin tenau le kan thlau duh fon lo mi molh lawng te. Credit: Global Rawn Chin Media.

Salai Lungthlitum Cabia. Lautu, Mara, Zophei, Zotung le Senthang hriamtlai phu hna nih joint committee an ser ve cang. Mah pengtlang hna hi a hlan tein unau kan si tiah ram tampi ah ZZLMS committee ser in civui le i hawikomnak bawlungpuai hna tuahti lengmang a si. Atu cu hriamtlaih lei zong ah i naihniam deuh in riantuanti an i tim cang tinak a si.

Tampi nih cun thiltha ah kan ruah ko lai nain cheukhat nih cun phan awk ah an ruah ve men lai. Senthang CDF khi Hakha CDF he an i rem lo, CJDC zong ah an luhter duh hna lo. Nain, atu cu CJDC member 4 nih alliance an vun tuah tikah lungnuam lonak a um kho. CNF le CBCUSA hruaitu an biachim zoh tikah duhsah tein pengtlang CDF pawl hi hrawh in CNF/CNA ah luhter dih an timh hna timi hmuh khawh ngai a si.

Abik in CNF sin lawng ah bawmhnak phaisa luhter, mah tein a dirmi CDF pawl bawmhnak chah, CNF kuttang ah a lutmi CDF lawng phaisa bawmh ve ding khi biapi ngai in an i timhmi pakhat cu a si. Nain, tutan ZZLMS hma an lak ning zoh tikah I theihthiam lo ahcun hmailei kan Chin miphun kar ah buainak nganpi a chuak te kho timi hmuh chung khawh a si, hriamtlai phu pakhat le pakhat kar ah i upatnak le i theihthiam nak a um a hau, i nek lo a biapi tuk te lai tinak a si. Credit: Salai Lungthlitum.