Dawtmi miphun hawi hna, Global Rawn Chin Media {GRCM} nih nan kut kan in tlaih hna.Tulio cu raal le rai lio si ko hmanhsehlaw Pathian Bia iruahti hi a tha ko, tiah kaphnih nih an ti. Kan miphun thlihran zoh in, zeidang thil hmanh kan chimceih huam ko ahcun Pathian Bia chinchin cu kan i ruahti ding pei asi cu, tiah kaphnih nih thinlung damtein an ruah caah, GRCM nih a thattuk ko tiah kan ruah ve.
I, Trinity le Oneness karlak Bible Debate tuah ding in timhtuahnak nganpi kan ngei. Kaphnih lei zeizong vialte in a tlam a tling dih cang. Cucaah hi debate hi a tanglei ni le caan ah khin na umnak hmun tein nan rak zoh cio nak lai, Bawi Khrih min in kan in sawm hna.Time and date. July 30th-31th, 2022, US: 8:30 pm (EST). Myanmar: 7:00 am, Australia: 10:30 am. Miphun hawi nih an theih cio khawh nak lai, rak kan share piak cio hram u.Lawmhnak he, GCRM Admin
Ngaihchiathnak thawng. Hniarlawn Mino “Salai Mang Lian Sang” SAC Ralhrang nih an Kah. Nihin July 25, zinglei sml. 11:00 hrawng ah SAC ralhrang nih Hniarlawn khuachung ah Salai Mang Lian Sang (kum 22) cu meithal in an kah caah a nunnak a liam, tiah khua upa sin in thawngpang kan theih.
Hniarlawn khua upa pakhat nih, “Ralkap pawl an rak rat ah khan mucu siangngakchia pawl ka vung la hna lai a ti i motorcycle in a kal. A kalnak lampi ah ralkap he an i tong i an kah,” tiah The Chin Journal ah a chim. Salai Mang Lian Sang hi Hniarlawn khua ah an i bochanmi mino pakhat a si i, Hniarlawn Tipil Khrihfabu ah darvuan rian a ttuan liomi zong a si.
A ruak cu khuami nih an lak khawh cang.Hakha in SAC ralhrang pawl Hniarlawn khua an panh caah khuami tampi ramlak ah an zaam bang in acheukhat a zaam lomi zong an um ve, tiah a cunglei upa nih a chim chap. Credit: The CHin Journal.
Leave a Reply