A nu le pa nih an thihtak mi Lal Hming Hlu kum 12 bawmhchanhnak caah mipi nih an hlutmi dihlak cu india tangka in 104030 a tling cang tiah thanhnak an tuah. Samuel Lal Hming Hlu hi a nu le pa nih an thihtak hnu ah a pu le inn ah a um i, Champhai vengthlang ah khua an sa.
An khua cozah siangin ah a kai cuahmah lio a si. Unau pakhat hmanh a ngei lomi le chungkhar harsa dirhmun in a thanglian mi a si. Amah bawmhchanhnak caah tiah kut an samhmi vialte hna cu a rauh hlan ah pek a si cang lai tiah an thanh chih. Cun bawmhchanhnak pek a duhmi hna nih Zo Inspiration gpay/paytm number 708544464 ah pek khawh asi i thaizing tiang pek khawh asi tiah an langhter.
Thawngpang dang. Lashio- Muse lam ah civil motor hmang in a thli in a umkal mi ralhraang hna cu PDF tangti phu komh nih an kah hna i ralhraang 20 an thi, PDF 2 nih an nunnak an pek ve. Shan ramkulh chaklei, Muse peng Lashio-Muse motor lam ah civil motor in a thli in a umkal mi council ralhraang pawl cu PDF tangti phu komh nih an kah hna i ralhraang 20 an thi, PDF lei 2 an thi ve tiah People Security And defence Army – Muse nih thawng an thanh.
May 4 zaanlei suimilaam 5:40 ah Lashio-Muse motor lampi chung ah LIB-214 le LIB-420 battalion hna cu private motor 5 in Muse lei an kir lio, Mawtaung khua le Talone khua kar, Namhpataan lamthen phanh lai ah Muse PSDA le PDF battalion 111 le 222 tangti phu nih an kah hna i ralhraang 20 an thi tiah kan theih. Ralhraang lei a thi mi 20 le hliamhma tuar 4 an um. Kanmah lei in pahnih an thi i pathum hliamhma tuar an um” tiah PSDA chungtel pakhat nih Khit Thit Media ah a chim. The Hakha Post
Leave a Reply