A nunnak a liammi hriamtlai 7 hna caah NUG Bond tlap 7 kan cawk tiah CDF-Kanpetlet nih a thanh. Kanpetlet peng kahdohnak ah a nunnak a liammi CDF-Kanpetlet hriamtlai 7 hna caah NUG Bond tlap 7 kan cawk tiah CDF-Kanpetlet nih a thanh.
SAC ralkap he kahdohnak ah CDF-Kanpetlet hriamtlai a simi Salai Thang Om (April 22), Salai Mana Kui (June 27), Salai Si Thu Aung (2021 January 23) Salai Ling Om (2021 September 25), Salai Aung Hone Mang (2021 September 24), Salai Ling Shwe (2021 May 30) , Salai Aung Ling (2021 May 30) hna cu ram le miphun caah kahdohnak in an nunnak an pek.
Hriamtlai 7 nih an tantak mi an chungkhar hna zohkhenhnak caah CDF-Kanpetlet nih NUG Bond hi cawk in kan hlutnak hi a si tiah a thanh.Mipi hna zongah kahdohnak ah a nunnak a liammi hriamtlai hna an chungkhar caah NUG Bond cawk in hlut khawh a si tiah theihternak a tuah chih. Credit: The Chin Post.
Relchap. SAC Ralkap He Kahdohnak Ah Ralkap Pahnih An Thi, PDF Unau Pahnih An Nunnak Liam!: Magwe ramṭhen, Myaing peng ah July 30 ah gate hngaktu i thleng ding in a kalmi PDF ralkap pahnih cu, SAC ralkap nih an kah hna caah an nunnak liam, tiah theih a si. Myaing peng PDF Battalion 2, Company 1 in ralkap unau Htet Kyi, kum 18 le Paing Kyi, kum20 an si.
Zing sml 8:30 hrawng ah gate hngaktu i thleng ding in an kal lio ah, PDF camp he aa naihnak ah SAC ralkap an um i an kah hna caah an nunnak a liam hi a si, tiah Bo Na Kwin nih a chim. Annih hi uanau chuak khat te an si, hmunhman humhimnak kan tuah lio ah SAC ralkap nih an thah hna i, an ruak an khanghnak kan hmuh.
A kaang dih lomi an ruak pelpawi cu kan khangh ṭhan hna,” tiah a chimchap.PDF le SAC ralkap kahdohnak ah cun SAC ralkap bawi pakhat le a kuttang pakhat an thi ve, tiah Bo Na Kwin nih a chim. PDF unau pahnih an ruh cu thlahnak an tuah lai i, cu hnuah an vui hna lai, tiah theih a si.
Leave a Reply