Daw Aung San Suh Kyi Chuahni Ah Thla A Cam Piak Tu Palik Sergeant Pakhat An Tlaih. Rampi ruahnk petu Daw Aung San Suh Kyi i kum 77 tlinnak caah thlacam piaknak online cung a tar sual caah Pathein khua um tilawng lei palik Sergeant ThanhYinOo tlaih a tong tiah palik pawngkam minung sin in theih a si.
Tilawng lei palik Sergeant Tanh Yin Oo cu Daw AungSanSuhKyi i a chuahni zinglei ah amah Facebook cahmai ah ” Happy Birthday na nun khuasau ko seh tiah a tar i minute kar ah a hnawh cawlh ko nain online cung ah SAC ralkap hna nih a mah cu tlaih ding in a chuah hnu June 20 ah tlaih tong tiah theih a si.
Palik pakhat nih Sergeant cu June 20 ah an rak tlaih.Tlangcung Military Headquarters nih an rak tlaih. Pehtlaih khawh zong a si rih lo, an chungkhar zong nih a umnak thialpiak ding in an nawl. Ram pumpi ruahnak petu chuahni ah thlacam piaknak ca a țial sual caah tlaih a tong mi Palik Sergeant Thanh Yin Oo cu ti lei palik rian a tuan mi a si caah Myanmar tilam palik phu an dirh thok in palik in a rak i thial mi a si.Sergeant cu phungning pakhat khat in tazacuai mi bantuk in a chungkhar hna cu an pehtlaih hna tiah palik hna nih an chim. Credit: The Chin Post.
Thawngpang dang. Ayardaw Peng Ah Bomb Hliamhnak In Tualchung Mi Pahnih Nunnak A Liam!: Sagaing ramṭhen Monywa pengkomh Ayardaw peng Ngway Dwin khua le Min Yua khua karlak ah June 23 zaanlei ah khan tualchung mi pahnih cu bomb i hliamhsualnak in an nunnak a liam, tiah tualchung mibawmchantu phu nih an chim.
Hi thil a can hi June 23, zaanlei suimilam 3:00 hrawng ah a si i, nunnak a liammi hna cu Ngway Dwin khuami U Hlah Myo Win le a nupi Daw Khin Pyung an si,” tiah mibawmchantu pakhat nih a chim.Bomb hliamhnak in nunnak a liammi nupa hna cu an umnak khuachak lei ah cycle in an kal lio ah bomb nih a puah hna i, cu bomb puakmi nih cun a hliamh hna,” tiah Ayardaw peng palik zung in ṭuanvongeitu pakhat nih a chim.
A luancia ni tlawmpal zong ah khan Ayardaw peng WaṬan( ဝါးတန်း) khua le KanPhyu(ကမ်းဖြူ) khua in Monywa-Ayardaw -Shwebo kalnak lampi ah khualtlawng mi minung 20 hrawng nih an i citmi motor cu lamkam ah hmanhmi bomb lung 5 nih a rak hliamh bal cang hna, tiah theih a si.
Leave a Reply