Tlangzar khua kahdohnak ah rammi veengtu ralkap pahnih nunnak a liam.2022 May 5, Falam Peng, Tlangzar khua i CNA, CDF ralkap le SAC ralhrang karlak kahdohnak ah CNA in Salai Thawng Hup Lian le CDF Thantlang in Salai Thawng Tha Peng an nunnak a liam tiah theih a si.
Tlangzar khua chung kahdohnak ah ralhraang lei a thi mi an tam lawng si lo in hliam tuar zong an tam tiah theih a si. Kahdohnak a chuah hnu ah ralhraang nih Tlangzar khua inn 10 leeng zong an khangh tiah kan theih. The Hakha Post.
Relchap a duhmi caah Hmaikor aa vuahmi CDM tuah ralhrang kawlralkap minung pathum an tlaih cang hna. PDF kongkau dottletnak tuah duh ah CDM a tuahmi ralhrang kawlralkap minung pathum an tlaih hna. Hi konghe pehtlaiin NUG Defense Minister Ye Mon nih a chimmi cu PDF sin ah CDM tuah in ngiatthlainak a tuahtu ralhrang pathum tlaih an si cang.CDM kan tuah tiah a timi si hna seh mipi lei ah kan dir tiah a timi siseh,
mizei paoh an si ah, mipi lei a lutmi hna cu dottletnak thatein tuah dingah Central Committee kan dirh. A tu tiangah Dalan ngiathlaitu timi minung pathum tlaih an si. Minung tampi cu thinlung thiang tein mipi lei ah an dir i, mipi caah ralhrang an doh hna tiah a chim.Ngiathlaitu tlaihmi hna cu mipi ralkap sin ah chiah rih an si. Myanmar Nitlak lei ah pakhat tlaih a si i, Chak lei ah pahnih tlaih an si.
Tutiang rih ahcun Myanmar laicer le thlanglei ahcun mahbantuk minung cu an um rih lo. Kan tlaihmi hna cu mipi ralkap kut chungah kan ap tiah an langhter tthan.Min Aung Hlaing hruaimi ralhrang kawlralkap hna cu an sakhan an chuahtak hna i CDM an tuah cuahmah. CDM a tuahmi hna hi ralkap minung thongthum le palik thongsarih an um cang tiah Pyituh Pandaing i, CDM Captain Ngi Thu Tha nih a chim. Cun CDM a tuah dingmi hi minung thongthum an um. CDM tuah loin ralhrang a chuahtak mi pumpak in a ummi tampi an um rih tiah theih a si.
Leave a Reply