Matupi khuami nu paruk telh in minung 7 ralhrang nih an vuak hna. Aliamcia April ni 21 ah ralhrang minung pahnih cu meithal zunthum he CDF Matupi sin ah an rak i fonh. Anmah he pehtlaihnak a ngei tiah Matupi ah a ummi nu paruk telh minung pasarih hna cu ralhrang nih an tlaih hna. Hi konghe pehtlaiin CDF Matupi thawngthanhtu nih a tanglei bantukin a chim.
CDM kongkau ah an tlaihmi hna in kan theih i ralh.Ralhrang camp ah an chiah hna. Tlaih a tongmi minung 7 hna cu ralhrang hna nih an hrem vuak hna ruangah nu pakhat cu sizung ah zohkhanh hau tiangin a um i, a dirhmun a ttha lo ngai. Matupi ah a ummi ralhrang Chit Ko Ko le Pyo Min hna hi BA-72 le MA-3 le MA-2 he CDF Matupi sin ah an rak i pe.
Ralhrang hna nih an meithal pathum lakthan an duh caah mipi an tlaih mi hna an nunnak tiang tihnung in an hremmi hna hi cu sual kan phawt taktak hna. Hi bantuk cawlcanghnak, ralhrang kawlralkap telh in zeibantuk ralhrang he hmanh hnatlaknak kan tuah lai lo tiah a chim.
Thawngpang dang. CNDF le ralhrang thlali chung an i kahdohnak ah ralhrang minung 227 an thi. CNDF lei in minung 9 nih ram le miphun caah an nunnak an pek. Thlali chung CNDF le ralhrang hna cu Kalay peng le Falam peng ah voi 30 an i kap. Hi i kahdohnak ah ralhrang minung 227 an thi i, hliamtuar hi minung 113 an um.CNDF lei in minung 9 nih ram caah an nunnak an pek i, minung 14 nih hliam an tuar tiah theih a si. Cun CNDF nih ral an dohnak ah hriamtlai budang he i bawm in March thla le April thla thlahnih chung Falam peng le Kalay peng ah ralhrang he voi 13 an i kap. Hi i kahdohnak ah ralhrang 105 an thi tiah CNO nih an langhter.
CNDF lei in tukdohnak ah minung pakhat a nunnak a liam i, ralhrang nih an tlaihmi minung panga telh in minung paruk CNDF lei an nunnak liam. Kahdohnak ah minung pali zong hliam an tuar tiah CNDF nih an thanhmi chungin theih asi. Falam peng le Kalay peng, February thlachung ah CNDF le ralhrang voi 5 an i kap.Ralhrang minung 41 an thi i minung 50 hrawng hliam an tuar. CNDF lei in minung pakhat cu bomb puahsualnak in a nunnak liam i, pahnih an nunnak a liam. January thla chung Falam peng ah ralhrang 300 hrawng hna cu operation an tuah i CNDF he January ni 6 in biatak tein an i kap. Thlakhat chungah voi 12 an i kap.
Ralhrang lei in minung 81 an thi i a tlawmbik minung 60 hrawng hliam an tuar tiah theih asi. Kahdohnak ah CNDF lei in minung pariat hliam an tuar i minung pakhat nih ram le miphun caah a nunnak a pek. Ralhrang ruak hi hmun riat hrawngah hmuh an si. Cun ralhrang hriamnam 60mm, 40mm le kuanfang hna zong CNDF nih an lak tiah CNO nih a langhter.Ralhrang kawlralkap hna nih hramhram in nawlngaihnak an lak hnu ah CHin ramkulh le Kalay peng hmun dangdang ah mipi ralkap hna le ralhrang karlak ah kahdohnak cua fak chin lengmang. Kahdohnak a um lengmang ruangah khuami himnak hmun ah azaam mi hn ahi minung ting renglo an si tiah theih asi.
Leave a Reply