Myanmar ram buainak le rammi bawmhchanhnak kong he pehtlai in Myanmar mizapi thinphannak le ramchung buainak hna daihter ding in forhfialnak cathanh cu UN Security Council nih an chuah nain Tuluk(China) le Russia nih an cohlang lo, tiah theih a si. Myanmar ram kong ah UN Security Council cu innka kharkhumh in tonbiaruahnak an ngei.
ASEAN Special Representative for Myanmar, Prak Sokhonn le UN Special Envoy to Myanmar, Noeleen Heyzer nih Myanmar ram buainak daihternak ding lam cu fianternak an tuah. SAC ralkap nih biatak tein rammi a doh hna cu zeitluk in dah uknak nawl an ngeih timi an langhternak a si pinah ramchung ral a si, tiah UN thiam sang hna nih an chim.
British nih Myanmar ram kong biatung a dirhmi ah, buaibainak cu remdaihnak in a phi kawl ahcun a tlimtling ko lai. ASEAN nih hmaithlak in a ṭuan ding rian zong a langhter. Myanmar rammi himnak ca ah ton ding a simi phu poh he ton ding, ti mi kong hna aa tel.Cu pinah ASEAN Agreement cu a tak in ṭuanchuahmi a tlawm caah thinphang a si i, Cucaah a tak i langhter ding in forhfialnak an tuah. Sihmanhsehlaw Tuluk le Russia nih forhfialnak cathanh cu an cohlan lo caah UN Security Council nih cathanh an chuah kho ṭhan lo, tiah theih a si.Credit: The Chin Post.
Thawngpang dang. Breaking News. Chin rawn, Kalaymyo ah bomh le meithal a puak cuahmah cang. Tuzan suimilam 7 hrawngin meithal puah thawng a thang. Culawng siloin, Bomb zong voi tamtuk a puak rih. Meithal le bomb puah thawngin a tutiang a dai rih lo, a puak cuahmah ko tiah khuami sin in theih a si.
Bomh a tlak ruangah Sekan khua in khuami nu pakhat cu hliam fak ngai in a tuar tiah theih a si. Aa hliam ning hi a fak ngaingai a kut zung zong aa tan tiiah theih a si. Khuami pakhat nih a chim tthan mi cu bomb puah thawng hi a thang taktak. Sang chungah bomb hi voitam ngai a tla puak tiah a chim.
Tuzan bomb le meithal puah thawng hi a linsa taktak ko. Kalaymyo khuapi cu thinphang in kan um ko. Bomb tlaknak ruangah minung zeizat dah hliam hma an tuar i, inn le lo zeizat ko dah a hrawh timi tu cu fiang in kan thei kho rih lo tiah tuzan thilsining konghe pehtlaiin khuami pakhat nih a chim.
Leave a Reply