Mah bantuk thawngpang theih hi cu tulio ahcun a nuam kho taktak. Ralhrang kawlralkap hna cu motor pathum in Tamu in Kalay lei an kir lio Linfai (လင်းဖိုင်) le Witot ( ဝိတုတ်) khua karlak ah mipi ralkap PDF tatyin 3 nih bomb in an motor an thuat hna i ralhrang kawlralkap minung 20 renglo an thi tiah khuami sin in theih a si.
Ralhrang kawlralkap hna hi Khaw Hmun Nuam khua ah zaan an riak i, inn zuat satil an duhmi paoh an thah hna i an ei hna tiah an langhter chih. Nizan June ni 27 ah ralhrang kawlralkap hna nih khuachung ah hriamnam an thlah ruangah khuami minung pahnih zong hliam an tuar tiah theih a si.
Thawngpang dang. SAC ralkap an rak luh caah Kalay khuami 10,000 hrawng an zaam. SAC ralkap an rak luh caah Sagaing ramṭhen Kalay peng chung khuami 10,000 hrawng himnak hmun ah an zaam tiah DVB nih a langhter.Sagaing ramṭhen, Kalay peng, Tintha khua lei ah SAC ralkap pawl an luh caah June 27 zinglei ah khuami hna ṭihphannak in an khat i an zaam tiah Tinthar khuami pakhat nih DVB ah a chim.
SAC ralkap pawl khua thlanglei in an rak luh caah zaam a si. An rat cun zeitin an kan tuah lai ti theih a si lo caah zaam a si. Khua luh in inn khangh, an duhmi thilrii lak an hman caah a him lo. A cheu cu khua hrim ah an um ti lo. Ramlak ah deu an i sak i an um”. Tintha khuanu pakhat nih “Khua ah sianginn awn ding in an raa tiah an chim.
Khua phungki sianginn ah thazang 200 hrawng an um. Khuachung luh in inn khanghnak pawl a tutiang cun an tuah rih lo” tiah a chim.SAC ralkap pawl cu a luancia May thla thok hrawngah Tintha khualei an raa i mipi hriamtlai phu he kahdohnak a chuak tiah a chim.SAC ralkap pawl an ratnak Tintha khua B.E.H.S sianguk U Kyaw Min Naing telh in minung 30 hrawng cu SAC ralkap nih an tleih hna i khuate 30 hrawng an khangh.Tintha khua hi inn 2,500 hrawng in mipi 10,000 hrawng khuasa an si tiah DVB nih a langhter.
Leave a Reply