A SUNGLAWI HRINGHRAN, CNA LEI AN HIM DIH

Thawngpang ttha a chuak tthan. Gangaw in Hakha lei panh in a kalmi ralhrang, bator minung (lei holh in pamh awk nih a tlinh lo ) hna cu Lamtuk an pha. Lamtuk khua le Lungcawi khua pawngkam ah nizaan le nihin CNA le CDF nih an kah hna. Hi an kah hnanak ah a tlawm bik minung 20 le a tam bik 30 bator minung hna an thi lai tiah zumh a si.

A mak taktak mi, uar a um taktak mi CNA le CDF lei in nunnak a liammi le aa hliam mi an um lo. Bator minung hna a thimi hi Lamtuk khuachung ah an khangh hna a si lai tiah an zumh. Khuamuih tiang kha khuachung in mei alh a lang. Nihin lawng ah voi hnih an i kap. Him hram hna seh a mak takmi CNA le CDF.

Biakilh: Ralhrang lei a sawm sawm a zaa zaa an si. An hriamnam a tha. minung thazaang an tam. Kan ralkap hna pawngkam ah hriamnam ngam tam tuk a tla. Nihnih chung ah atu tiang hi cu an him. Him hram peng ko hna seh. CNA/CDF ca ah thlacamnak in do rak thlenpi hna usih. Credit: Salai Tluangte

Thawngpang dang. Ralhrang Nih Thantlang khuachung in an khangh tthan ee. April Ni 22 ah ralhrang kawlralkap hna nih Thantlang khuapi inn an khangh tthan. Tutan ah an khangh tthan mi hi Inn 15 asi tiah theih a si. Ralhrang kawlralkap hna nih Thantlang inn an khangh nak hi a tu in a voi 27 nak a si cang.

Hi konghe pehtlaiin tutan ah ralhrang kawlralkap hna nih Thantlang ah inn an khanghmi kongah Thantlang Placement Affairs Committee- IDPs helip nih a langhter mi cu hitihin a si. April 22 ni ah Thantlang khua chung ah ralhrang hna kut in, inn 15 khangh than a si. Tutan telh cun ralhrang hna nih a voi 27 nak inn an khanghnak a si. A kang mi cazin cu tanglei ah kan langhter.

Thantlang TABC sangin tutan ah ralhrang kawlralkap hna nih an khangh mi inn ngeitu hna cu Pu Thla Kung le Pu Siang Lian le Pi Rem Par. Cun Pu Ni Awi le Pu Khar Cem siseh Pu Ceu Kung le Pu Pha Lian le Pu Hup Lian an si i, an dihlak in TABC sang in inn 8 ralhrang nih an khangh tthan. Cun Lungtial sang ah inn an khangh mi hna cu Pu Biak Or le Pu Biak Hmun le Sayakyi Za Tling le Sym Khun Mya le Pu Huat Mang inn hna an si. Hi chungah Sym Khun Mya inn hi pahnih a si. Tutan an khanghmi hi adihlak in Inn 15 asi.