Avoikhatnak Chinland Defense Force Matupi conference an tuah. May ni 10 in ni 13 tiang, Nili chung an tuah tiah theih a si. Central Committee chungtel hna le CDF Matupi ralbawi minung pali siseh raltuk thiam hnatlak nak in Battalion 5 an chap cang. 5th Battalion dirhthar mi cungah lunglawmhnak tampi kan ngei.
Tutan tuahmi conference konghe pehtlaiin biachahnak an tuahmi ceihhmai mi hna cu Matupi Strategist Group hna nih Statement an tuah te lai tiah ruah a si. CDF Matupi central committee hna nih mipi sin ah strategist system thlen a sinak zong theihter an duh.
CDF matupi thawng le cak in a um khawhnak dingah a hlannak in bawmhchanhnak zong kan herh. Ralhrang kawlralkap ukpennak cu rianrang tein a dongh khawhnak dingah CDF Matupi he biatak tein kan doh lai i, kan dirti lai tiah an langhter. Credit: John
Thawngpang dang. Htee Chaing pengah ke in ralhrang minung zakhat renglo hna cu bomb in an thuat hna.Tuzing ah mipi ralkap hna nih ralhrang minung zakhat renglo a rami hna cu mipi ralkap hna nih bomb in voithum an puah hnawh hna i ralhrang tamtuk an thi tiah an langhter. Tuni May ni 18 zingah ralhrang phu khat hna cu Wegyi in Indaung Kyaing Ta Kaung tiang ke in an kal.
Cu lioah Special 9 HPDF le khuachung mipi ralkap hna nih voithum bomb an puah hnawh i tamtuk an thi tiah Special 9HPDF lutlai pakhat nih a chim. Pekone le Indaung khua karlak ah hin pe 20 tluk a saumi hlei a um. Hlei cung an phak ah bomb in puah hnawh an si tiah a chim.
Bomb puah hnawh a si ah hin hmaisuang ralhrang kawlrlakap hi minung 10 hrawng an phan i mit in hmuh khawhmi ah minung pahra hi a thimi an si tiah a chim. Ralhrang an rak phak ah hin bomb vialte timhcia tein chiah dih asi cang.Ralhrang kawlralkap hna nih hriamnam ngan he hriamnam hme he an kah. Asinain PDF lei cu hliamtuar pakhat hmanh an um lo tiah a cunglei langhtermi lutlai pakhat nih a chim chih. Htee kulhchung ah bomb in ralhrang pawl hi voi 20 renglo an puah hnawh cang hna i, minung 70 renglo an thi cang tiah theih asi.
Leave a Reply