Aiawh Thihpiaknak (Substitution of Death) Isaiah 53:12 A nunnak kha i awtom lo tein peek a sian i misualmi kha an in ding cu a inpi hna. 1 Peter 3:18, Zeicahtiah Khrih hrimhrim zong kha nanmah caah a thi i sualnak ruangah khan nanmah caah voi khatah zalak in a thi; nannih cu Pathian sin i kalpi awk caah khan, mitha cu mithalomi hna ruangah khan a thi.
Yangon khua i Karen biakinn pakhat i an pastor pa cu zarhpi zing pumh kip ah Jesuh thihnak le thisen kong lawngte a chim zungzal. Ai pum balmi cu a lem ngai hna. Nihin zong zarhpi ni asi caah khamhnak kong tawiten kan i hrawm than ko hna lai. Vawlei cungah hin Pathian bia relnak le ca tha relnak in a hrinthanmi an tampi ko.
Sianginn ka kainak kan sayaci Rev.Dr. Timothy Kee Ho Park zong bus chungah Four Spiritual Laws timi cauk fate ka relnak bak in bus ka tum lioah khamh kai fiang tiah caa a kan chimh pahah tehte a khan. Cucaah nihin ka tialmi te zong thlacam buten rel. Na hrin than ko lai. A hrinthan cia na si zong le rel thiam. Khamh comi na si tak ahcun an lawmhter lai.
Mah hnu ah na siaherhmi share ve hna.Tahchunhnak van rel hna usih.Kum 1862, October 17 ni ah Palmyra khua ah dalan ti i an timi pakhat a tlau daih. Cu caah ralkap commander pa nih minung 10 thah ding in order a chuah.Cu lakah pakhat cu Wm.T.Humphrey asi. Mah pa cu fa tamlakte a ngei. An nu nih an pa caah biatakten zaangfah a nawl hna.
Cu ruangah commander pa nih amah aiawh ah Hiram Smith kha thah ding in a thim. Smith an chimh tikah a hna a tla ve. Kei cu nupi le fa ngei lo ka si caah chungkhar a ngeimi ka hawipa ca i thih cu a thami asi ko ati. Mah pa kong cu Mt. Pleasant Church an thlan hmun lungdonh ah a tanglei bang an
tial. Mah lungphun cu Hiram Smith philh lonak caah kan phunmi asi.
Amah cu mah hramh tangah a it cang. Kum 1862, October 17 ni ah keimah ka pa, Wm.T.Humphrey aiawh ah Palmyra ah an kah i hero thih in a thimi asi. G.W. Humphrey Hiram Smith cu Humphrey pakhat ca lawngah a thi. Amah thihnak thawng in a nupi le a fale an pa a luat i a nung. Jesuh Khrih, Pathian Fapa tu cu vawleimi dihlak caah vailam cungah a thi. A thihnak nih mi vialte a kan huap khawh.
A ruang cu minung menmen asi lo, Pathian titsa i ai cangmi asi. Sertu le sermi thil dihlak zohkhenhtu zong asi. Van le vawlei chung um mi dihlak hnak in a sung deuh i sermi thil vialte a ngeitu zong asi fawn. A tawinak cun Pathian Fapa ngeihchun asi caah mi vialte a kan aiawh kho tu asi. Kan in dingmi sual man thihnak ( Rom 6:23) kha amah lungthote in a kan inpiak.
Sualnak ngei lo mitha Jesuh nih kan aiawh i a thih cu Pathian sin i kalpi a kan duh caah asi,1 Peter 3:18. Vancung khua i a ummi kan Pa sin phak na duh ahcun an thih piak i kalpi an duhtu Jesuh Khrih kha zum law panh ko, an dawn naisai lai lo, Johan 6:37. Kan aiawh i a thi i a thothanmi Jesuh Khrih min thangthat si ko seh. Amen. Credit: Rev. Dr. G. Za Thio
Leave a Reply