Ka rak chim chungmi a tling mi pawl. 2021 April thla ka rak chim chungmi cu a tling tak ko. Chin ram chung Pakhatnak.ralkap thar a dir lai. Pahnihnak. June thla in raltuk ai awt lai. Pathumnak.Thantlang nan zamtak ahcun khuarawp ah ai cang lai. Palinak. Hakha le Thantlang hi ai khat lailo.
Chin ram chungah Ralkap a dir lai ka rak ti lioah mihrut ah an rak ka ruat. Atu cu an hmuh ko cang. Prophet cu ka si lo. Nain chim ko ti ka lung a chuak caah ka rak chim a tling bak cang. A tu 2022 ah cun I zumhlonak a chuak lai ka ti. Mah belte a tling rih lo. Raltuk ning itimhtuahnak an ngeihlo a si ahcun Raltuk hi kum 5 in kum 40 karalk a phan kho. Nihin kum 60 cung minung nih ramtha nan tep lo kho. Credit: Laipa Kut Zung
Chin ramkulh, Thantlang Baptist Church(TBC) Biakinn cu nihin June 9 zanlei sml 4:30 hrawng ah a kaang, tiah theih a si. Thantlang upa pakhat nih cun, Tuzanlei sml 4:30 hrawng ah Biakinn pi cu a kaang, Vuichip tlang lei zong in hmuh khawh a si. Inn dang a kaangmi um le um lo tu cu kan hngal kho rih lo tiah The Chin Post ah a chim.
TBC cu Thantlang biakinn vialte lakah a hlun bikmi biakinn a si i, 1965 hrawng Thantlang khua rak i ṭhial lio ah Rev. Hei Mang nih a rak kan hruai i, TBC hmun hi a ṭha bik, a rem bik a rak ti caah hi hmun hi kan rak thim,” tiah a chimchap. TBC chungtel pakhat nih, Tuan piin a kaang te lai tiah kan ruahcia mi a si ko.
Asinain kan biakinn pi a vun kangh taktak tikah cun kan ngaih a chia tuk hringhran. Biakinn hlun bik le pupa ro bantuk in kan ruahmi a si caah kan ngaih a chia khun, tiah The Chin Post ah a chim. TBC cu milu 3000 leng le chungkhar 600 hrawng an i pumhnak biakinn a si. Thantlang khuachung ah TBC Quarter 6 telh in Biakinn 10 a kaang cang.
Leave a Reply