AN CHUNGKHAR PATHUM IN AN TLAU, AN UMNAK THEIH SI LO

Chungkhar pathum an umnak theih loin an tlau. Shan ramkulh Namtu peng Pan Lon khua ah a ummi kum 20 nungak Mah Aye Taza Kyaw cu Hsipaw khuapi ah Ha i phawi dingin a kal i, July ni 21 ah a tlau. A thaizing July ni 22 ah hringtu a nu le a tapa nih an va don i an mah lila zong an umnak theih loin an tlau ve tiah an thanh.

Hi konghe pehtlaiin khuami pakhat nih a chimmi cu a hmasa ah Ma Aye Taza Kyaw le a ttapa hi Hsipaw ah Ha i phawi dingin an kal i, an dih lo caah Ma Aye Taza Kyaw cu Hotel ah zankhat a riak. Atapa tucu a tlung. Athaizing July ni 23 chun suimilam 12 hrawngah a tapa le a nu cu va don dingin an kal i, an tlau ve.

Hsipaw khua an phak le phak lo zong kan thei lo. Ma Aye Taza Kyaw hi July ni 21 zan suimilam hleikhat hrawngah a ho ti theih lomi pawl nih a umnak hotel in an chuahpi lio hmuh a si. Ma Aye Taza Kyaw cu an tlaih hrem i, a nu sin ah tangka an hal. An nufa pathum in an tlaih dih hna. zeiruangah a nu an zong an auh ti kan thei lo. A nu hi khualtlawng ballomi a si tiah khuami pakhat nih a chim.

Thawngpang dang.Thihdan Pekmi Minung 4 SAC Ralhrang nih Insein Thonginn ah an Thah Hna.SAC ralhrang nih thihdan an pekmi hna U Phyo Zayar Thaw, Ko Jimmy, U Hlah Myo Aung le U Aung Thura Zaw cu upadi ning in dan kan tat cang hna, tiah SAC ralhrang nih nihin July 15 chuak Myanmar Alin thawngzamhnak cahmai no. 26 ah thawngthanhnak an tuah.

An thah hna lai ah chungkhar he hmaitonh in tonnak nawl an pe hna lo i, computer tu in an zohter hna. Insein thonginn ah July 23 ah an thah hna,” tiah Myanmar Now nih a ttial.An chungkharle nih July 22 ah an vung ton hna i July 23 ah an thah hna, tiah Khit Thit Media nih a ttial ve. Asinain, zeitindah SAC ralhrang nih an thah hna timi fiang in theih a si lo. Credit: The Chin Journal

Be the first to comment

Leave a Reply

Your email address will not be published.


*