AN HNGAWNG HLEH I THAH KHI KA DUH PHUN A SI. VIDEO

Muicawl Thawng: SAC ralkap pawl nih kawl khuate pakhat ah mi an thahnak hna hmanthlak le mi pa zeizah dah na thah bel tiah pakhat le pakhat an i halnak muicawl cu RFA nih June 17 ah a langhter. Cu muicawl chungah, ralkap pakhat nih a dang pakhat kha mi pa zeizah dah na thah bel? Zeibantuk in dah mithah na duh timi bia hal nak an i tuahmi kong aa tel. Phone a tlaitu pa nih “Kei cu minung an hnawng hleh in thah khi ka duh phun a si” tiah a chim. Video atang bik ah,

Thawngpang dang. CDF Matupi Zeitik Hmanh Ah Minung Hmai Ah Kan Khuk Kan I Bil Lai Lo. Miphun le ram caah nunnak thapmi ram caah riantuan cuahmah mi CDF Matupi zeitik hmanh ah minung hmai ah khukbil an i tim lo. Pakhatnak. CDF Matupi cu a nungmi Pathian a zummi kan si. Pahnihnak. CDF Matupi Headquarter (Camp Zion) ah zinglei ah voikhat thlacamnak (Devotion) zaanlei ah voikhat Special Prayer Time nitin tuah a si.

Pathumnak. CDF Matupi Headquarter ( Camp Zion) ah tonpumhnak (meeting) tuah caan paoh ah a hramthawk ah thlacamnak in thawk i a donghnak ah thlacamnak in donghter a si. Palinak. CDF Matupi Headquarter (Camp Zion) ralkap hna cu CDF Matupi hruaitu hna rian i palhnak um lo dingin zarkhat voikhat tlamtlin lo nak chim le pekhat le pakhat thazaang i peknak an ngei.

Panganak. CDF Matupi Headquarter (Camp Zion) ah raltuk i thawh lai paoh ah tlacamnak ngeih ta a si, cuhnu ah raltuk i thawh a si. Paruknak. CDF Matupi Headquarter (Camp Zion) i Devotion..Special Prayer..Worship Service.Meeting Service.. caan a bikin a hruaitu hna cu (Ph.D) ngah cang mi a si.Pasarihnak. CDF Matupi Headquarter (Camp Zion) Ralkap hna cu miphun, biaknak, holh a khat lo an tam nain chungkhar khat bantukin dawtnak he kutsih in ram le miphun caah nunthap in riantuanmi an si.

Pariatnak. CDF Matupi cu a nungmi Pathian ah hrambunhmi le hmailei karhlannak ding caah Pathian sinah pekchanhnak a ngeimi kan si caah, a diklo mi phu le zatlang, i thencheunak a chuahter kho tu bia le thiltuah mi ralhrang hmai ah zeitik hmanh ah kan khuk kan i bil lai lo, mizapi he hmunkhat ah kan dir. CDF-MATUPI Spoke person.. Nai John, CDF.Matupi(Camp Zion).Dohthlennak ah teinak kan hmu hrim lai.

VIDEO ZOH A DUHMI NIH hIKA HI VOIKHAT IN HMAT LAW NA ZOH KHAWH LAI