Oil A Um Ti Lo Caah Sri Lanka Nih Cozah Zung Le Sianginn An Khar Chung Lai! Sri Lanka nih ramdang in oil cawknak phaisa an ngeih ti lo caah cozah zungkip le sianginn cu zarhhnih chung khar a si lai, tiah ṭuanvo ngeitu nih June 17 ah an thanh.
Oil a um ti lo caah motor service vialte zong a kal kho ti lo i, June 20 in zung vialte khar dih ding in nawlngeitu nih an thanh. Mizapi phortu motor siseh private motor zong siseh tliknak ding oil an ngeih ti lo caah atu bantuk in zarhhnih chung khar ding in nawl kan chuahnak a si, tiah ṭuanvo ngeitu nih cun an chim. A luancia Kum 1948 ah Britain sinin Sri Lanka cu independence a hmuh hnu in a zual bikmi ramchung chawlehlei sunghzawtlaknak an tong.
Kan hnu zarh hramthok lei ah khan oil harnak a tlawmter deuh hnga maw tiin cozah rianṭuantu hna vialte caah cacawn 5 ni cu dinhni(holiday) ah an tuahpiak hna theih a si. Sri Lanka cu ramchung phaisa thazaang ṭumchuknak siseh, caan saupi chung mei ngeih lo ruangah siseh, eidin tirawl chambaunak lei ah harnak fak tuk an tong cuahmah. Hi kong he pehtlai in rammi mitampi nih a thlathla in, duhlonak langhter in lamzawhnak an ngeih cang pinah President Gotabaya Rajapaksa cu a rian dinhtaak ding in an au hnawh. Crd: The Chin Post.
Leave a Reply