Kaphnih kar kahdohnak a chuak ṭhan kho tiah AA nih a mipi ralrin a pek hna. SAC ralkap he kahdohnak a chuak ṭhan khomi a si caah Kawl ralkap he aa naihnak hmunhma pawl hrialding in Arakan Army (AA) nih a mipi pawl cu May 15 ah ralrin a pek a hna.
Rakhine kahdohnak chungah ralkap nih hmanhmi bom lam sual ruangah a luancia zarh chungah mipi 2 an thi cang timi thawngthanhnak ah a tu bantuk in ralrinnak a telh chih hi a si.SAC ralkap he raltuknak lei buainak a santuk cang i kahdohnak a chuak kho pengmi a si caah mipi hna nih ralkap pawl cawlcanghnak, hmunhma an khuarnak le ralkap pawl pawngkam ah kal lo ding in ralrinnak a thanh.
A luancia zarh chungah, Minpya le Ann peng ah hmanhmi bom a puah ruangah pa 2 an thih bantuk in Kyaukdaw battalion 357 pawng hmanhmi bom a puak sual i SAC rallap an lau caah an mah le an mah an rak i kap tiah cathanh ah a telh chih.Kam khatlei ah, SAC nih Rakhine ah thazang a chap, Rakhine-Muslim karlak remnak hrawh a tim chin lengmang tiah AA nih a thanh. Credit:TCP
Saya Thawngtha thang cabia.Kawlca i leh piak lo ding in kan nawl. Kan ram le kan miphun nih A tonmi muihnak cu kan chan he aa tong. Kan miphun hawi a harsami hna chungkhar zakhat chan chuah nak ding caah innhmun 100 pe ding in ka pa Bishop No Chhum he thla ka rak cammi cu Pathian nih a tlam a tlinter.
Innhmun samhnak, Lam le sul sernak cu saya Vanpum hruinak in kan ṭuan cuahmah, Miphun hawi a harsami hna umnak ding sihmanhsehlaw Pathian he a umṭi ding kan si ruangah Chinland Villa tiah min kan pek. Khua a si khawhnak lai An pawngkam ah innhmun le lo hmun caw cio dingin kan riantun hawile zong kan in sawm hna.
Kan pekmi hna innhmun man a kai khawh te nakhnga le an caah an nunnak ting mer kho tu pakhat a si khawh te naklai tiin, khu chung lam cu lian pipi in kan tuah. Inn buk saknak ding tu cu miphun hawi hna sinah bawmhnak kan halpiak te hna lai. Inn le lo kan tuahpiak hna hnu in, sifahnak dohṭi ding in rian thiamnak le rianṭuannak kan kawlpiak te hna lai. Pathian nih a kan miphun a kan umpi ko lai.
Leave a Reply