AN THILTUAH MI A TTHATUK HRINGHRAN MAH DING BAK SI

ChinPung khua PDF training lim nak tuah lio ah a thi mi mipi hna le PDF pasal tha hna cu NUG nih minung pakhat ah 10,00000 kyats a bawmh hna.Sagaing ramthen YinMaPin Peng ChinPung khua ah PDF training tuah lio ah ralhrang nih vanlawng in bomb a thlak hnawh hna caah PDF le mipi a nunnak a liam mi cu NUG nih minung pakhat ah 10,00000kyats a bawmh hna tiah RalBawi Kalung battalion sinin kan theih.

NUG cozah runvennak lei vuanci sin in bawmh nak cu March18 ah Ralbawi KaLung battalion nih an cohlan i 21 ah a nun nak a liam mi chungkhar hna sin ah an pek tiah a chim.Ralbawi KaLung battalion nih ChinPung khua PDF training lim nak tuah lio February 26 zinglei suimilam 9 le cheu ah ralhrang nih Mi35 vanlawng in bomb in a kan thlak caah,

PDF minung 3 le mipi minung 6 an thi i khuami minung 2 zong vanlawng in an kal pi hna tiah theih a si.Tangka bawmh nak pe mi NUG runvennak vuanci zong ralbawi KaLung nih tan tak mi chungkhar ai awh in a lawm i ram pumpi a deih tiang peh zulh in ka doh lai tiah biakamnak a pek.

Thawngpang dang. Ralhrang kawlralkap nih an thahmi khuami minung panga ruak an hmuh. Magway ramthen Myaing peng Kyauk khua pawngah ralhrang hna nih khuami an thahmi ruak cu mipi ralkap hna nih an hmuh. May ni 25 ah ralhrang le mipi ralkap hna cu Kyaukkhuk khua pawngah kap hnih karlak ah kahdohnak a chuak.May ni 26 ah mipi ralkap hna nih thianhhlimnak an tuah i, ralhrang hna nih khuami minung panga an thahmi ruak hna cu an va hmuh hi a si.

Kyaukkhuat khua pawngah tuni cu thianhhlimnak tuah a si i atubantuk in ralhran gnih an thahmi ruak kan hmuh hi a si. Ralhrang hna nih an thahmi hna hi khuadang maw an si Kyaukkhuat khuami dah an si timi theih a si lo.Ralhrang kawlralkap hna nih an thami ruak hna cu mipi ralkap hna nih thatein an vui khangh tiah an langhter chih. Khuami hna cu an dihlak in a himnak hmun ah an zaam hna. Hi konghe pehtlaiin Sagaing ramthen Ayadaw peng Shwetunekung khua cu ralhrang hna nih nizan zanlei an lut i an khangh tiah theih a si

Culawng siloin Aanhlia khua in Shwetunkhua hna cu hriamnam ngan he hriamnam hme an kah hnu ah khuachung ah an lut i, khua an khangh. Khuachung ah zeibantuk a cang timi khua dirhmun zong theih a si lo. Asinain inn cu an khangh tiah an langhter. Ralhrang hna cu Ingyin One Thousang sianginn ah an um ko rih.Apawngkam a ummi khua Htantaw Kone le Obokone khua hna cu hriamnam ngan in an kah hna. Culawng siloin ralhrang kawlralkap hna nih nizan may ni 26 zanlei suimilam pasarih ah Shan le Kaya ramri Phaykhun peng, Makhekhan khua ah an lut i, inn zong an khangh tiah Pekhon People Defense Force 2 sin theih a si.