APOI BAK. CNA DUH LO NING IN THIL AN TUAH CANG

CNA duhlo ning in Thantlang khuanu khuapa le biaknak lei pastor te hna nih thil an tuah. Hi kongah Pu Htet Ni nih a chimmi cu Nizan tonnak kong an ngeihmi hi zeitindah asi ti hi kan thei lo. Kan ramchung ah riantuanti ding hin khrihfabu riantuanti kan duh an ti. Pu Ngun San Aung report pekmi zohtik ah biaknak lei pastor he rian kan tuanti tiah a ti.

Thantlang khi pastor zong an um ti rualo kan ti lio ah zeibantuk pastor dah Hakha ralhrang he an I tong timi kan thei lo. CNA siseh, NUG nih siseh ralhrang he tonnak tuah hrimhrim kan duh lo.Kan umnak ah pastor te zong an ra I, kan duhning tha tein kan chimh dih ko hna. Cu an theih ko buin pastors te nih Hakha ralhrang he tonnak an neih hi aruang kan thei lo.

Cun, statement chuah timi zong hi thil sining tha tein hi kong hi kan hlat hmasa lai ati.2023 thimnak a tuah dingmi hi tuahter khawh bak lo ding kan I zuam lai. Cun, hi thimnak kongah thazaang petu zong iralring uh. Dohthlennak tuah cuahmah lio ah kan mino le tampi cu hmundang kaadang Malaysia, India tibantuk ah a kalmi tampi kan um tikah hi hi a tha lo ngaimi asi. Hi hi mizeihmanh nih thazaang pek lo ding. Thazaang a petu kan um ahcun cu cu thiltha lo a chuak ko. crd-Vaurawng zuunthil

Salai Tial Hram Ling cabia. Thantlang Dirh Ṭhan Kongah Ramkulh SAC Cozah Le Thantlang Khuanu Khuapa Meeting An Tuah Ti thawng theih a si. Hi kong he pehtlaiin Salai Tial Hram Ling nih a tanglei bantuk in a van langhter.Thlantlang khua inn le lo cu kum 5 project in phaisa ngei nih an ser khawh lai nain zalennak le mahte khuakhan lairelnak lo cun suimilam tawite chung ah vutcaam an cang than thiamthiam ko lai. Ralhrang cozah he i kawp in Thlantlang kan ser ahcun anmah le anmah kha Hero ah an i ser a si.

Mino nih nunnak kan pek mi le lutan tiang in kan doh mi khi ralhrang umlonak khua ser kan duh ruang ah a si. Zeitindah kawl ralhrang he cun kan khua cu kan ser duh ti lai? Khuapi ser cu innlo sak a si lo. Khuapi a himnak, ukhruainak le limhang hihai kha pei ser kan duh taktak mi a si awk cu a si cu!” Source: Salai Tial Hram Ling