Monkeypox zawtnak nih Europe ram hna a hnawh len lio ah Nizan May 30 ahkhan Asia ramchung Thailand ah monkeypox zawtnak hmuh ṭhan asi. Thuwunbumi airport, Thailand ah Australia kal aa timmi khualtlawng pakhat sinin Monkeypox zawtnak a ngei tiah fehter mi pakhat hmuh a si.
Amah he naihniam in a ummi minung 12 an um, ti zong theih a si. Atu tiang ah ram 32 in Monkeypox zawtnak a ngei mi mizaw 406 an um cang i, cu zawtnak a ngei lai tiah lunghrinh mi 88 an um tiah theih a si. Thailand ramchung ah cun monkeypox zawtnak aa chawnhmi an um theih a si rih lo.
Thawngdang. Magwe ramṭhen Tayat pengkomh kahdohnak ah palik 2 le khuabawipa hna cu an thi i, hliamhma tuarmi zong an um tiah theih a si. May 31, zinglei suimilam 6 luan hrawng Tayat khuachung ah meeting kai ding in kalmi Dwinlay(တွင်းလယ်) khuakomh khuabawi U Min cu meithal kah a ton caah a thi tiah theih a si. May 30, zaan suimilam 11:00 hrawng puahkeh a chuahnak hmun chekhlat ding in a kalmi SAC ralkap le palik hna cu kah an tong i, cu kahdohnak ah cun palik 2 an thi, tiah theih a si.
Tayat ah khuabawi meithal kah an ton cu a voikhatnak a si i, Dwinlay(တွင်းလယ်) khuabawi cu meithal voihnih kah a si hnu ah, kah a tonnak hmun ah a thi tiah theih a si. May 31, zinglei suimilam 1 hrawng ah Damataw(ဓမ္မသော်) khua pawng Mytel tower umnak hmun ah puahkehnak a chuak, tiah theih a si.Crd;The Chin post
Leave a Reply