Apoi ngai. KIA le PDF pawl thiltuah cu khuami an lungtling lo. Chaklei Shan Ram, Muse le Kutkai lampi ah KIA hna nih ngunkhuai an lakmi kongah mipi nih an soisel hna. Thilphur motor le khualtlawng phur motor lawng siloin pumpak motor chungkhar khualtlawng mi tiangin ngunkhuai an lak hna.
Hi konghe pehtlaiin khuami pakhat nih a chimmi cu an thiltuah mi a luan deuh ko. Motor zapi tiawk in an kham hna. Motor mongtu le motor number tiangin an hal hna i motor zong hman an thlak. Ngunkhuai peknak hmun an chimh hna i ni 15 hlan ah nan pek hrimhrim lai tiah an ti hna tiah minung pakhat nih a chim.
Ngunkhuai hi ni 15 hlan ah nan pek lo a si ahcun kan in hmuh hna tikah hrem nan si lai tiah aa kan ti. Ngunkhuai peknak catlak nan ngaih lawngah nan luat lai tiah an ti hna tiin Lashio le Muse lampi ah motor pakhat nih a chim ve. Hi konghe pehtlaiin KIA ralbawi Nawbu cu Shan News nih biahalnak an tuah.
KIA ralbawi nih a timi cu ngunkhuai hi phungning tein kan tuah ko. Amah belte zeizat dah an lak hna timi cu ka thei lo. Zeitin dah an lak, zeizat dah an lak tibantuk cu tuanvo ngeitu lei hna he aa pehtlaimi a si tiah a chim. Chaklei Sham hi SSPP/SSA, TNLA, MNDAA le mipi ralkap tthenkhat an cawlcanghnak hmun a si.
Relchih a duhmi caah Thawngpang dang. ASIAN hotu simi Cambodia ram vuancichoh Hun Sen nih faak ngai in Myanmar ram cu rammi nih an hrawh tiah a ti. Daihnak taktak an duh lo. Daihnak taktak an duh ahcun zeiruang ahdah Min Aung Hlaing sawmnak hi an cohlan lo tiah a ti.Kawlram uknak a lami ralhrang bawizik Min Aung Hlaing nih tlangcung hriamtlai (EAOs) hna cu daihnak tonbiaruah ding in sawmhnak ttha tein a tuah ko hna. Nain an i tel duh lo.
USDP Thein Sein chan lio ah NCA minthu mi zong an kai duh lo. Ka khuaruah a har. Daihnak taktak an duh lo.Cucaah Myanmar ram i an rammi minung nih an hrawh. Hriamnam an tlaih i Min Aung Hlaing heh tiah an dohmi hi ka lung an hring cang. Min Aung Hlaing nih ttha tein tlangcung hriamtlai (EAOs) hna cu daihnak kong bia kan i ruah hna lai a ti i, tlangcung hriamtlai phu 5 hrawnghrang te lawng nih an cohlan.Tlangcung hriamtlai phu hna he ttha tein daihnak kong tonbiaruahnak ngeih ding timi hi ASEAN nih ttha tein Min Aung Hlaing kan forhfialmi a si.
Daihnak kong ah tonbiaruahnak nan ngei lai. Cun thimnak zong ttha tein na tuah lai tiah kan timi si. Cucaah mah tonbiaruahnak ahhin zeihmanh lunghrinhnak a um loh. ASEAN hruaitu hna nih ttha tein kan ruah i a tthabikmi kan timi si tiah Cambodia vuancichoh Hun Sen nih American a phanmi hna Cambodia rammi hna sinah 2022 Biangreithleip 12 ah tonnak an ngeih lio ah achim tiah an ti.
Leave a Reply