New Delh ah a ummi Hakha Community tawlrelnak in tuah dingmi Charity Concert For Chinland ah muidawh hlasak thiam Van Hlei Sung cu sawm a si. Asinain relrem lo ruangah a ra kho lai lo. Arat khawh lonak konghe pehtlaiin muidawh hlasathiam Van Hlei Sung nih a chimmi cu a tanglei bantuk in a si.
I’m sorry Delhi. Kaa ngaihtuk mi concert cu ka tenh manh ti lo ee. Caan aa teet tawttuk mi karlak ah rian ttuan ahar ca zongah asi. Ka visa fawi le bai ah arak lut lo i ka ra kho lo. Delhi ah khuasa mi ka Miphun hawidawt, hmuh lai kan ngaihtuk hna. Zeitluk in dah concert tuah ahar, har lengmang tein timhtuah mi chungah kaa tel ve lo cu ka sia a rem bak lo NAIN Bawipa nih caan dang ka sianh ko lai ka zumh.
Keimah ka um lo thawngin a lungzor mi um sual hlah u. Kan ram buaih le covid he kan khing a rit tuk cang! Amanh mi poh va kal ulaw, lung nuam tein caan hmang u. Ram Le Miphun Caah le Pumpak caah, Hmailei ah kan i tong tthan te hna lai. I love you all and have a great concert. Credit: Van Hlei Sung.
Thawngpang dang. Sagaing lei ah ral lam a samh mi SAC ralkap le Ttangrual phu kahdohnak ah SAC Ralkap minung 13 an thi. Mandalay in Sagaing lei ah nizaan April 21 ah thazaang chap in rallam a samh mi SAC ralkap motor le palik motor hna cu nihin April 22 zinglei ah kahdoh an si i SAC ralkap 13 an thi, tiah tualchung mipi vengtu ralkap nih an thanh.
April 22 zing Sml 10:00 Mandalay-Monywa lam, Monywa in Minmu lei kalnak Koipintaw khua le Bo Mingyi Kin kar ah motor pahnih in a kal mi SAC ralkap 20 hrawng cu Myaung-PDF le CDSOM nih bomb an puah hnawh hna, tiah theih a si.Bomb lungli aa thuanh mi bomb in puah an si i, motor hmailei le a sirlei a rawk.
SAC ralkap 8 an thi i, a dang 15 cu an zaam. Cu hnu ah Bomb lung 11 in puahhnawh an si ṭhan i SAC ralkap a thi mi an tam ngai ngai, tiah Myaung- PDF le CDSOM nih thawng an thanh. Cun, April 22 zing Sml 11:00 ah Sagiang in Monywa lei ah a kal mi palik motor 24 aa zul mi cu Minmu peng,
Wonpyae le Allakappa khua karlak ah bomb puah hnawh an si i motor pakhat a rawh lengah palik 5 an thi, tiah DK PDF-MUU nih thawng an thanh. Minmu peng kahdohnak ah hin Minmu khuapi ah dirh mi DK PDF-MUU, Blak Eagle Defense Force MUU, CDSOM (Myaung), PAFD le ṭangrual phunga i bawn in an kah hna, tiah theih a si.Credit: The Chin Post.
Leave a Reply