Nihnih Chung ah Chinmi 3 Mizoram ah Ritsii Phorh le Mi Inn Bauh Ruang ah an Tlaih Hna. Nizaan July 14 le nihin July 15 ah Mizoram ramchung ah Chinmi pathum cu fir ruang ah le ritsii phorh ruang ah an tlaih hna. Nu hi Duh Lawng Thluai (kum 36), Falam peng in a rami a si tiah Mizoram palik nih an langhter i, Champhai Gate ah ritsii (heroin/ဘိန်း) he an tlaihmi a si.
Pa upa deuh hi Lal Ngaih Chin (kum 32) tiah auhmi Tedim peng khuasa a si i, Khawzawl ah ritsii (Saychoh/ဆေးခြောက်) he an tlaih.A ngakchia bikmi pa hi Gabrial Muana (kum 25) a si i, Sihhmui ralzaam Camp ah a ummi a si. Sihhmui khuami inn a bauh ruang ah an tlaihmi a si. A cunglei Chinmi pathum tlaihkhihnak kong hi Mizoram palik nih Twitter ah official in an tarmi a si. Credit: The Chin Journal.
Nunu Biazai. Par Nolh Um Ti Lai Lo. Cun, Lairam ah chokhlei an par lai, Vaurawng zong an par lai i, Senri nih caan an hung lawmh tikah Nang bel na par ti lai lo. Lairam khua caan dawhtertu, Vanva hna zai an vawr tikah Nang bel na aanka pau le Hmelhmuh ton a um ti lai lo. Cuticun, Tlaih khawh loin khi va raal ah, Meithal i bei len le thir phang in Chuk cho kai um ti lai lo.
Zuannak thla serpiak na si cang lai, Miphun caah nunnak a pe tiin Puai ro sunglawi kha, An in tuahpiak cang maw, Khi hmun ah Zingnu kan nawl lai. Na thisen man um seh tiin Teinak dei ar khuang te lai tiin Upatnak sang pi kan in pek. Credit: Nunu Biazai
Leave a Reply