Mizoram Ah Myanmar Mi Pakhat Cu Kyats Sing 5000 Leng Man Bing He An Tlaih!India ram, Mizoram ramkulh khualipi Aizawl khuapi ah Chin miphun, Tedim peng Darkhai khuami Khup Za Tung, kum 42 sin in 428.04 gram a ritmi bing cu August 4 ah Mizoram palik le Assam Rifle nih an tlaih, tiah theih a si.
An tlaihmi bing cu Rupees sing 214 man a si i, Myanmar phaisa in sing 5770 leng a si. Myanmar ralzam hna a cohlangtu Mizoram ah Myanmar ram in rithaisii phorh lo ding in Chin hriamtlai phu, media le zatlang bu hna nih phihkhamnak an tuah ko nain atu le tu Myanmar mi hna sinin rithaisii an tlaih lengmang.
Atu bantuk ram boruak chiat lio caan cu caan ṭha ah i lak riangmang in phung lut lo sii zuar hi Mizoram um, Myanmar mi hna ca ah himlonak le thil ṭha lo a chuahter khawh tiah chimceih ngai a si. Mizoram i rithaisii tlaihnak kong ah hin a cawtu taktak le a ngeitu taktak nakin an kuttang ah a phortu hna cu an tlaih deuh hna, tiah theih a si. Credit: The Chin Post.
Breaking news. Atu hi Chinram khualipi Hakha ah ralhrang helicopter a rak zuang tthan. Nihin August ni 5 ah zingka ah Kalaymyo in ralhrang helicopter cu Chinram khualipi Hakha ah a arak zuang. Mah helicopter nih hin hriamnam ngan le bomb pawl a rak phurh ti a si. Culawng siloin Thantlang lei zongah a lan lai tiah theih a si.
Atu hi Hakha pawng Timit lei zongah dongloin kahdohnak a um peng rih. Timit pawng hrawngah mipi ralkap le ralhrang kawlralkap hna hi nithum an i kap cang. Tuzing zongah Timi lei ah a puak rih i, bomb voi nga renglo tiang a puak cang. Kan ralkap hna caah thlacamnak ngei peng rih hna usih.
Leave a Reply