Chin Ralzaam tamdeuh an zawtnak cu lung a fak hringhran ko. Ralhrang ruangah hi zawtnak hi aa thokmi ti uh sihlaw kan palh lai lo. Chin ralzam chungah minung tam deuh cu thinlung lei damlonak an ngei tiah an langhter. Kawlram buainak ruangah Mizoram ah ralzam dirhmun in khua a sami hna thinlung lei dam lonak an ngei.
Hi konghe pehtlaiin ralzaam bawmtu pakhat nih a chimmi cu damlo bantuk in an i thei hna. Kan check tik hna ah zawtnak ngeimi an um lo. An hmuh tonmi ruangah siseh, an thinlung ah a himlo tibantuk ruahnak an ngei. A herh lomi khuaruahnak ruang zong ah si kho mi a si.
Thinlung lei ah harsatnak an ngeimi an tam ngaingai tiah a chim. Mizoram ah ralzaam dirhmun in khua a sami hna hi minung thong 40 hrawnghrang an si. Cu hna cu NGO le Khrihfabu tlawmngai siseh ramleng lei in bawmhnak in zohkhanh an si. Cun mizoram cozah zong nih fakpi in ralzam hngakchia hna ca cawn khawhnak tiangin an tawlrel piak ti a si.
Thawngpang dang. Chinmi putar pa nih nu hngakchia te tlaihhrem a timh i a nunnak liam. Rakhine ramkulh, Thandwe khuapi, Sanitaung ah khua a sami kum 61 Pu Han Maung nih kum nga a simi hngakchianu te cu changreu in a thlim i, tlaihhrem a timh. Pu Han Maung hi Chin miphun a si i, Buddhist biaknak a biami a si i, tak hmeh in paw aa cawmmi a si.
Kum nga lawng a simi Nu ngakchia te cu Changreu kan cawkpiak lai, Pupu hi na duh maw tiah a thlim ti a si. Nu ngakchiate hi Ma Yun Nadi ti a si, Sualpi a timh i a fahtuk caah ngakchia nute cu a au. A Kaa a huhpiak i a hngawng a dih i a thaw a dih. Pu Tarpa cu a thaizing zanlei suimilam pali ah an tlaih tiah theih a si.
Nu ngakchia nu te hi Putar pa nih hin a tlaihhrem kho taktak maw taktak lo mi hi sibawi te nih an check lio tiah an langhter chih.Tlaihhrem Putar pa cu Pu Han Maung cu palik sakhan ah 677/301 case an tuahpiak tiah an langhter. iburlenpicture
Leave a Reply