Monywa Ah PDF He Pehtlaihnak An Ngei Tiah Lunghrinh Mi Mino 6 Tlaih An Si!:Sangaing ramṭhen, Monywa Donachan sang, Bokyauk lam, Kanthaya pawng Green Talahwady hotel ah mino 3 cu palik nih June 23 zing Sml 4 hrawng ah an tlaih hna, tiah cycle khaltu pakhat nih a chim. Ralkap mawṭaw le palek mawṭaw nih hotel cu an kulh i minung 3 an tlaih hna tiah cycle khaltu pakhat nih a chim.
Cu kong he pehtlai in Monywa pengkomh palik in rianngeitu pakhat nih, “Green Talahwady hotel ah PDF he pehtlaihnak a ngei mi mino 3; Taunggyi Medical University Burmese Department in CDMer Ko Aung Zin Myint, Monywa Aye Chain Thar sang ummi Ko Ye Htet Aung le Kaung Myait cu tlaih an si.
Cu hnu ah dothlatnak kan ngei i, PDF chungtel an si tiah theih a si. phungning tein biaceihpiak ding in timhtuahnak ngeih a si,” tiah a chim. A luancia ni zeimawzat zong ah khan Monywa ah PDF he pehtlaihnak a ngei tiah lunghrinh mi sihni(lawyer) 5 tlaih an si cang. Monywa khuachung ah PDF pawl cawlcanghnak hotel pawl a um pah lengmang caah hrenhpiak a tong mi hotel 5 a um cang, tiah theih a si. Credit: The Chin Post.
Tulio alinsa ngaimi a fiang bak hih. Bible Na Zum Maw? Na Zumh Ahcun I El Awk A um Ti Loh. Pathian Pakhat Person Pathum A Sinak Cu Bible Caang Khat Ah Aa Phuang ( God Reveals Himself In The Bible Itself). Pathian cu TRINITY asinak Bible bak ah aa langh ko caah El awk zong a țha lo. Bible caang khat bak ah dahkaw Trinity asinak cu khuaruahhar in aa langh ko cu. Bible a context hmanh siloin Verse pakhat bak ah Trinity asinak aa phuan.Bible tial ning tein zumh hi kan rian asi ko. Va silhnak kha pialsualnak asi. Bible relnak Țha tein rel viar hmanh. JESUH_KHRIH kha a nawl ngaih awk le a thi in nannih cu tlengh awkah PATHIAN KAN PA tinhning in thim nan si i a THLARAU nih miphun thiang ah an ser hna.
Vel le daihnak cu tling khitkhet in nan ta si ko seh” (1Pet 1:2) JESUH_KHRIH kan khamhtu thawngin PATHIAN nih THIANG_THLARAU cu tampi in a kan toih. (Titus 3:6). AMAH (JESUH) he nan i pehtlaihnak thawngin nannih zong hawi dang vialte he,PATHIAN nih a THLARAU in a um hnawhmi inn ah ser nan si cang. (EFESA 2:22) Cu hmanh nih cu bantukin a tuah khawh ahcun, KHRIH thisen nih cun, zeitluk in dah a tuah khawh chinchin lai! Zungzal hmunmi THLARAU in a tlingmi raithawinak bantukin PATHIAN sinah amah le amah cu aa pe”(HEBRU 9:14)
Pathian fa nan si caah khan PATHIAN nih, A FAPA Thlarau cu nan lung chungah a run thlah i cu THLARAU nih cun, “Ka Pa, ka Pa,” tiin a au. (GALATI 4:6) Bawipa JESUH Khrih vel le PATHIAN dawtnak le THIANG THLARAU he i hawikomhnak cu nan dihlak sinah um ko seh. (2 KORIN 13:13) A cheu cu cu bantuk cu nan rak si. Asinain sualnak in thianh nan si cang; PATHIAN sinah pekchanh nan si cang;Bawipa JESUH Khrih min le kan Pathian THLARAU thawngin Pathian he remter nan si cang. (1KORIN 6:11). Cu thil lianngan cu, zeitindah PATHIAN nih Nazareth khuami JESUH kha THIANG THLARAU le thawnnak a toih i Pathian nih a umpi caah zeitindah khuazakip ah aa chawh i khuachia thawnnak tangah a ummi vialte a damter hna kha a si. (LAMKALTU 10:38).
JESUH cu Pathian orhlei kamah khan thutter a si i A Pa nih bia a kam bantuk khan THIANG THLARAU cu a Pa sin khan a hmuh.(LAMKALTU 2.33). Bawipa JESUH KHRIH vel le PATHIAN dawtnak le THIANG THLARAU he i hawikomhnak cu nan dihlak sinah um ko seh.(2 KORIN 13:13). Cun an sin i a um lioah khan hi nawlbia hi a pek hna i, “Jerusalem khua hi chuahtak hlah u, KA (JESUH) PA nih a rak in kamhmi hna laksawng ka rak in chimhmi hna tu kha hngak ko u. Johan nih cun ti in tipilnak a pek hna, sihmanhsehlaw kan hmailei ni tlawmte chungah hin THIANG THLARAU in tipil pek nan si lai,” tiah a ti. (LAMKALTU 1.4-5). KAPA sinin a rami Bawmtu, biatak Phuangtu THLARAU cu a ra lai. KAPa sinin nan sinah ka rak thlah lai i, KEIMAH (JESUH) kong kha an chimh hna lai.
(“JOHAN 15.26). Sihmanhsehlaw KAPA nih ka min in a run thlah laimi Bawmtu, THIANG THLARAU nih cun zeizong vialte kha an cawnpiak hna lai i KAN (JESUH) chimhmi vialte hna kha nan lung an pemter hna lai.(JOHAN 14.26). THIANG THLARAU cu a pum in țuro bantukin a cungah cun a rung tum. Cun vancung in aw pakhat a rung thang i, “NANGMAH (JESUH) cu KAN (PATHIAN) dawtmi KA FAPA na si. Na cungah ka lung a tling,” tiah a ti. (LUKA 3.22). THIANG THLARAU țhawnnak thawng khan thlacam u law PATHIAN dawtnak chungah khan um ko u. Cun kan Bawipa JESUH KHRIH nih zaang an fah hna ruang i zungzal nunnak an pek hna lai ni cu hngak ko u.(Judas 1.20-21) Nan timi hi a si lo, khuachia țhawl khawhnak a KA (Jesuh) petu hi Beelzebul si loin Pathian THLARAU a si i cu nih cun PATHIAN Pennak cu nan sin a phan cang ti kha a langhter.(MATTHAI 12.28)
Tehte a khaangtu pathum an um: cu hna cu PA le BIA (Jesuh) le THLARAU an si i an pathum cu PAKHAT ansi.(1JOHAN 5.7-8..NKJV ), Note.. Pathian nih asining cu amah lila nih aa phuan lo ahcun Pathian cu theih khawh asi lo. Pathian nih a sining aa phuan caah Amah Pathian cu kan theih khawh. Asining cu Bible (Pathian Bia) hi asi…. Amen. Credit: Israel R. Thang
Leave a Reply