RALHRANG NIH AN TLAIHMI HNA BIAKHIAHNAK AN TUAHPIAK HNA. Lai ramkulh, khualipi Hakha khua ah tlaih a tongmi sualnak ngeilo mizapi hna cu ralhrang nih 29 Chiapa ah minung 8 cungah biakhiahnak an tuah piak hna i, minung 5 cu kum 8 thongtla ding le a dang minung 1 cu kum 2 thongtla dingin bia an khiah piak hna, nu 2 zong CDF menber an si ti sual phawtnak an tuah hna.
Ralhrang nih biacaihnak an tuah ahhin anmah lila nih biachimpiaktu ( Lawyer ) an tuan i, tazacuai le tlaih a tongmi hna nih biachimpiaktu ( Lawyer) i hlannak nawl an ngei lo. Credit: The Lairam Times. Thawngpang dang. Gangaw Ah Thil Caw Ding In A Chuakmi Palik 3 Cu PDF Nih An Kah Hna I, Palik 2 An Thi:
Magwe ramṭhen, Gangaw peng Min khua palik sakhan in thil cawk ding ah a chuakmi palik 3 cu lampi ah rak bawh in kan kahdoh hna, tiah PDF-Gangaw(thlanglei) chungtel pakhat nih a chim. Nizaan July 30, chun suimilam 12:30 hrawng ahkhan palik 3 cu PDF nih an kah hna i, palik 2 cu an thi nain pakhat cu kuan hliamhma he a zaam, tiah theih a si.
An ṭhutnak dawr chung ah kutser bomb 40 mm kan chehhnawh hna hnu ah kan kah hna. Auto meithal kan ngeih rih lo caah 40mm kutser bomb lung khat, 380 pistol pakhat le rifile pakhat he kan kah hna,” tiah PDF-Gangaw chungtel pakhat nih a chim. Palik sakhan lei nih cun minung 1 lawng a thi tiah thawng an thanh nain, kanmah PDF lei nih palik 2 ruak cu kan hmuh caah a thimi cu 2 an si tiah kan fehter, tiin PDF lei nih an chim.
Leave a Reply