APOITUK EE. PDF SAKHAN RALHRANG NIH AN KHANGH EE

Myaung Peng Ah SAC Ralkap Nih Rallam An Sial I PDF Sakhan Pakhat An Khangh! Sagaing ramṭhen Myaung peng khuate cheukhat ah SAC ralkap hna cu rallam an sial i khua pawngkam ah a ummi PDF-Taloke sakhan cu nihin July 19 zinglei ahkhan an khangh, tiah Bo Mine Wai(ဗိုလ်မိုင်းဝေ) nih a chim.Khuachung ah SAC ralkap hna cu an lut i,

PDF nih doh ding in an va kalhnawh hna ah cun sakhan cu an rak hrawh dih cang, tiah theih a si. Ṭuanvo ngeitu Bo Mine Wai nih cun, “SAC ralkap an ra lai ti thawng kan theih i zaan riak in kan hngah hna nain lam dang in an kal caah SAC ralkap nih khua an rak kan phanh khanh i, timhtuahnak caan kan ngei lo,” tiah a chim.

Minung aa khawngdeng mi an um lo nain Sakhan cung thilri vialte a kangh dih caah bawm hau dirhmun in an um, tiah theih a si. Cu SAC ralkap hna nih cun July 17 zong ah khan Kyaukyit, Seywa le Myitsung khua ah hriamngan an kah i kum 21 nute nunnak a liam pinah ngakchia 2 zong hliam an tuar. Ngaungkaya khua cu (July 19) tuzingka ah khan hriamngan an kah i khuami cu an zaam hna, tiah theih a si. Credit: The Chin Post.

Cabia dang. Tutan Salai Lungthlitum nih thawngthanhnak a vun langhter mi a si taktak hnga maw. Ahman ko a si ahcun Chinmi kan lung aa ruallo tuk timi a langhter ngai. Salai Lungthlitum nih a langhterning ahcun Chin hriamtlai pakhat a simi CDF Mindat nih cun tender company kan cohlan cang tiah a chim. Atanglei bantukin a chimmi cu a si.

Mindat peng ah tender company kan cohlang cang lai tiah CDF Mindat nih tuni thawng an thanh. Thanchonak rian cu MAH ralkap nih an kan tuah piak zong ah kan cohlang ko tinak khi a si. Mipi caah a thahnemmi hlei kha tha deuh in sersiam a duhmi phu an um bantuk in a hrawktu phu zong an um ve. Ruah ning ai dang, tonmi le hmuhmi ai dang i miphun dawt ning zong ai dang tuk cio. Credit: Salai Lungthlitum.