APOITUK EE, RALHRANG NIH HNIARLAWN KHUAMI AN RAWK DIH HNA

Hniarlawn Khuami 4 SAC Ralhrang nih an Thlah Than Hna, Khuami Suitthi, Tangka le Sattil Tampi an Fir.Nihin July 25 ah SAC ralhrang pawl cu Hakha peng, Hniarlawn khua ah an phan i Salai Mang Lian Sang meithal in an kah pin ah minung 4 an tlaih hna, tiah thawng kan theih.Tlaih a tongmi minung 4 cu an dihlak in an thlah tthan hna, tiah Hniarlawn khuami pakhat nih The Chin Journal ah a chim.

Minung pali an tlaih hna i an dihlak in an thlah tthan hna. Kan naupa pakhat hi voi 2 an tlaih. Block (1) ah voi khat an tlaih i an thlah tthan. An thlah nu ah zaam ding in a kalnak Block (6) ah a voi 2nk an tlaih tthan. Ralkap nih inn an bauhmi thilri pawl an thiarter i voi 2 an chuih hnu ah an thlah,” tiah a chim.

Salai Mang Lian Sang hi mucu ngakchia pawl va chanh ding in a kalnak lampi (Block-6) ah ralhrang nih meithal in an kahmi a si, tiah a cunglei khuami nih a chim. Meithal kahnak in a nunnak a liammi Salai Mang Lian Sang i a phone zong atu tiang an hmu lo. SAC ralhrang nih an lak lai tiah an zumh.

Hniarlawng khuachung inn tam u cu an bauh dih hna. Khuami hna i Suithi le Phaisa zong an lakpiak dih hna,” tiah a chim chap. SAC ralhrang pawl cu nihin zaanlei ah Hakha ah an zapi in an kir tthan, tiah thawngpang kan theih. Credit: The Chin Journal.

Ngaih a um tuk ee. Dawtmi miphun hawi hna, Global Rawn Chin Media {GRCM} nih nan kut kan in tlaih hna.Tulio cu raal le rai lio si ko hmanhsehlaw Pathian Bia iruahti hi a tha ko, tiah kaphnih nih an ti. Kan miphun thlihran zoh in, zeidang thil hmanh kan chimceih huam ko ahcun Pathian Bia chinchin cu kan i ruahti ding pei asi cu, tiah kaphnih nih thinlung damtein an ruah caah, GRCM nih a thattuk ko tiah kan ruah ve.

I, Trinity le Oneness karlak Bible Debate tuah ding in timhtuahnak nganpi kan ngei. Kaphnih lei zeizong vialte in a tlam a tling dih cang. Cucaah hi debate hi a tanglei ni le caan ah khin na umnak hmun tein nan rak zoh cio nak lai, Bawi Khrih min in kan in sawm hna.Time and date. July 30th-31th, 2022, US: 8:30 pm (EST). Myanmar: 7:00 am, Australia: 10:30 am. Miphun hawi nih an theih cio khawh nak lai, rak kan share piak cio hram u.Lawmhnak he, GCRM Admin