Pauk peng Tatkone khua mino 40 tlaih/hrem an tong. Magway ramṭhen, Tatkone khuami 40 leng cu SAC ralkap le pyusawhtee phu pawl nih an tlaih hna i an hrem hna tiah khuami nih RFA ah an chim.A luancia July 26 ah SAC ralkap le pyusawhtee pawl hmunhma an khuarnak Tatkone khua cu Pauk peng mipi hriamtlai phu 8 nih an kah hna ni a zaanlei ah an kan hrem hi a si tiah hremnak in a rak zaami pakhat nih RFA ah a chim.
Zaan sml 7:00pm hrawng ah an rak kan auh. Cun, phungki sianginn ah an kan kalpi. Phungki sianginn in phanet loin an umnak hmun lei ah kan kal. An umnak pawng lei lak ah kan kut kha kan lu cungah an kan khinter i kan khuk an kan bilter. Cun bia an kan hal i an kan tuk. Zaan sml 12:00am lawngah an kan thlah.
Hrem tongmi chungah upa le hngakchia zong an i tel i NLD le PDF nan bawmh hna tiah an kan velh hi a si tiah a chim.Hrem a si hnuah Tatkone khuami za leng cu khua ah um ngam ti loin an zaam nain hrem a tongmi pawl cu khua lengah an chuahter hna lo lengah khuachung ummi kan phone pawl zong an kan chuh dih tiah a chim.Tatkone khua cu inn 300 hrawng khuasa an si i SAC a cohlangtu a tambik an umnak khua zong a si. Credit: The Chinland Post.
Thawngpang dang. SAC Ralkap Nam In A Sawhtu Ngakchia Pate Cu A Hliamhma he Ralkap Nih An Hrem! Bago (ပဲခူး) ramṭhen, phyi (ပြည်) peng, Hmawza(မှော်ဇာ)khua Sianginn pakhat ah tang 7 a kai liomi, kum 14 ngakchia Awng Myint Myat, SAC ralkap nam in a sawhtu cu meithal kahnak hliamhma he siizung ah thlopbul a si i, a hliamhma a fah ngai caah a tha a der ngai tiah theih a si.
Meithal kuan nih cun a hnakpang ah a khen i a thi tam ngai a chuak.Innkhan dang teah an chiah i, SAC ralkap nih cun a hliamhma he bia an hal i, an hrem chih. An tukvelhnak ah a hmai le a takpum cu an vual dih i, a nunnak caah thinphang a si ko, tiah tualchung thawnglatu nih an chim.
Leave a Reply