APOITUK THANTLANG CDF LE KHUAHRING TLANG CDF KAH AN I TIM

Tutan Thantlang Peng CDF kong a langhter mi cu a mak ngaingai ko. Hi konghe pehtlaiin Global Village News nih a langhter mi cu hitihin a si. Thantlang peng CDF cu peng le tlang in an dir caah a ho hmanh a lung aa rualmi an um lo. Zahnak tlang CDF Chairman pakhat cu Pakhat nih thutnak a cuh caah a din i, khuate pakhat ah khua a sa ko.

Khuahring tlang CDF le Thantlang CDF kah an i tim i, CNA nih an thloh hna. USA lei in Pastor te a rak tlungmi a kilkamhtu hna CDF pahnih cu zuu an ri i meithal in kah an i tim. Nain an tlaih manh hna. USA lei Pastor te laitlang lei a tlung mi cu bia chim an i harh ngai. Credit: Global Village News.

Thawngpang dang. Matupi ah Major Win Naing Nih Kum (17) Nu A Tlaihhrem! Chin Ramkulh, Matupi Sabawng Sang ah ummi, Kum (17) Nu cu Ralkap Pension cang mi Major Win Naing nih, June 25 chun ah a tlaihhrem tiah theih a si. Matupi Khuami pakhat nih cun tlaihhrem a tong mi nu i a nu hi April thla ah khan CDM a tuahmi Ralkap kong ah an rak tlaih.

Cu kong he pehtlai in Major Win Naing nih a fanu cu biahal ding a um tiin an inn chung ah a luh pi i a tlaihhrem hi a si” tiah a chim.Major Win Naing hi Matupi ah a umnak kum 15 renglo a si. Matupi kong tha tein a theih hngal mi a si i, Matupi khua ah BeoHaHmu nak in an tih deuhmi a si tiah theih a si.

Win Naing cu Pension la cang mi a si nain Matupi ah SAC Ralkap cawlcanghnak poh ah a tel pengmi a si, Matupi khua chung mi tlaihnak poh ah a mah nih a hruai hna, Cun SAC Ralkap he hmunkhat ah rian an tuan peng caah an chungkhar in khuachung ah um ngamlo in SAC Ralkap Camp chung ah an um tiah tualchungmi nih an chim chap. Credit: The Chin Post.