ASEAN PALAI CU FAK TUK IN MIN AUNG HLAING NIH A HLEN DIAM

Ralhrang lutlai Min Aung Hlaing nih lih le hrawkhrawl bak in ASEAN Special Envoy to Myanmar sin ah bia a chim. Nifatin Min Aung Hlaing nih minung a thah cuahmah lio ah ASEAN special envoy to Myanmar, sin ah a chimmi cu Kawlram ah hin minung nunnak tluk in a biapi mi le a sunglawi mi an um lo tiah faktuk in a hlen.

Kawlram ah a rak tlawngmi ASEAN special envoy to Myanmar, Cambodia Foreign Minister Parak Sokonn cu June ni 30 ah ralhrang lutlai Min Aung Hlaing he tonnak an ngei. Cu tonnak an ngaihnak ahcun Min Aung Hlaing nih kawlram ah hin minung nunnak nakin a biapi mi le a sunglawi mi a um lo tiah a chim.

Theihcio bantukin ASEAN special Envou to Myanmar Prak Sokhonn cu June ni 29 ah kawlram a phan. Min Aung Hlaing he tonnak an ngei. ASEAN timhtuah mi le duhmi minung i dawtnak le i zaangfahnak kongah i bawmhchanhnak kong ah hin kawram ahcun biapi taktak ah chiah a si i, ASEAN common agreement point 5 zong a tlamtlin khawhnak dingah rianttuan cuahmah a si.

Cun CRPH in NUG a dir chuahning konglam siseh PDF a chuahning le ramchung an cawlcangh ning vialte zong Min Aung Hlaing nih a chimh chih. ASEAN special envoy to myanmar Cambodia foreing minister Parak Sokhonn le ralhrang lutlai Min Aung Hlaing tonnak ah aa telmi hna cu a tanglei bantukin an si.

Myanmar Foreign Minister U Wana Maung Lwin le Myanmar State Administrative Council i Joint Secretary Lt.Gen. Ye Win Oo hna le Cambodia embassy in mibik pawl hna an si. ASEAN special envoy to Myanmar nih ramchung hriamtlai hruaitu hna zong buainak a deih khawhnak dingah tonnak angaih hna lai tiah an chim thanh.