Magway ramṭhen le Chin ramkulh ramri San khuate chung um ralzam camp ah 2022 June 2 ah SAC ralkap nih Thantar raangmi thlir in ralzam camp ah facang le chiti an va pek hna, tiah theih a si.Kyaukthu(ကျောက်ထု) Vanlawng tual ah umhmun khuarmi SAC ralkap nih hmun hnih in an i ṭhen i, San khua um Tey phungki sianginn le ralzam camp ah an kal.
Nizan June 2 ah SAC ralkap 200 hrawng cu Kyaukthu Vanlawng bual in riahcaw i phorh in an chuak. Cheukhat cu San khuate um Mindat ralzam camp ah facang le chiti an pek hna. SAC ralkap an chuah caah khatlei umhmun No.(2) ummi hna cu zam an i tim. Fur caan a si caah a har ngaingai,” tiah Mindat tualchung mi pakhat nih a chim.
Umhmun No.(2) chung ah SAC ralkap an kal caah khuate mi le ralzam hna cu ka dang ah an zam ṭhan, tiah Mindat ralzam zohkhenhtu Committee nih cathanh an chuah. SAC ralkap an luhnak San Khua cu inn 240 leng umnak a si i, Mindat ralzam chungkhar 82, milu in 400 leng an um, tiah theih a si.Crd;Thechinpost
Thawngdang.Magwe ramthen, Kyaw hrambunh Kah-Pah-Sah (23) battalion chung in raltuknak tank pahnih tel in motor 60 cu Gangaw lei panh in June 2 ah an rat lio ah Yaw Defense Force (YDF) nih voi hnih an kah hna i ralhraang 30 leng an thi, ralbawi rank sang pakhat aa tel tiah YDF nih thawng an thanh.
June 2 zing suimilaam 8:00 hrNizanawng ah Ponnyar tum zawn ah ralhraang motor pariat cu YDF battalion-13 nih bomb le hriamngan in an kah hna i motor pahnih a rawk, 10 leng an thi tiah YDF sin in kan theih.Motor pali in rak bawmh ding ah a ra mi ralhraang pawl cu YDF battalion-13 nih bomb an puah than hna i 20 hrawng an thi. A thi mi chung ah pakhat cu helicopter in an rak laak.
Battalion Commander rank nak niam lo rank sang mi a si lai tiah YDF thanh mi chung ah an telh chih. Voi hnih kahdohnak chung ah ralhraang lei hliamtuar tampi an um. A thi mi cu Yemyatni khua ah an phum hna. YDF lei thi le hliamtuar an um lo tiah thawng kan theih.
Leave a Reply