ATURU BAK HIH, RALHRANG 112 BAK AN THAH HNA

Nizan May ni 12 rampi huap kahdohnak ah ralhrang kawlralkap minung 112 bak an thih pin ah a nung in minung panga an tlaih rih hna. Mipi ralkap lei in ram le miphun caah minung 11 nih an nunnak an pek ve. Nizan May ni 12 kahdohnak a chuah nak hmun le an thihnak hmun an langhter mi hna cu a tanglei bantuk in an thanh hna.

May ni 12 Mungin kahdohnak ah ralhrang kawlralkap lei in minung pathum an nunnak a liam. Cun Hlaingkaw kahdohnak ah ralhrang kawlralkap minung 1 an thi. Yinmapin kahdohnak ah Mipi ralkap lei in minung pakhat nih ram le miphun caah an nunnak an pek.Mube kahdohnak ah ralhrang kawlralkap pakul an thi i panga an tlaih hna.

Shwebu i kahdohnak ah ralhrang kawlralkap minung pakul an thi. Nattalin i kahdohnak ah minung pali an thi. Myaing i kahdohnak ah ralhrang 30 an thi. KhinOo kahdohnak ah minung panga an thi i, Muse ah pakua an thi i PDF in minung pahnih an thi ve. Pule kahdohnak ah ralhrang 20 an thi i PDF pakhat a thi ve.

Htichun kahdohnak ah PDF lei in minung pasarih nih ram le miphun caah an nunnak an pek. Nizan rampi huap kahdohnak ah ralhrang minung 112 an thi i, mipi ralkap lei in minung 11 nih ram le miphun caah an nunnak an pek ve.

Thawngpang dang. Kahdohnak thawng: Ralhrang 34 an thah hna, 20 tluk hliamh an si. Miphun hriamtlai CNA, CDF-Thantlang, CDF-Zophei le CNDF i bawm in May 3-6 kar ah ralhrang Kawl Ralkap a tlawm bik voi 4 tluk an dohnak ah Kawl Ralkap 34 an thah hna i, 20 tluk an Hliam hna. Hitan kahdohnak ah ralhrang nih Chin miphun thongtla 15 tluk kha ralkham (human shield) ah an hman hna, cun Ramthlo ah inn 10,

Tlangzaar ah UPC Biakinn telh in inn 16 an khangh tiah CNF nih cathanh in a langhter. Hi Hakha le Falam kar kahdohnak ah miphun hriamtlai CNF in 4 le CDF Thantlang in 4 nih nunnak an pek tiah theih a si. (Kahdohnak a can dihka te ah thawngzamhnak tampi Chinland Post telh in minung 9 tiah rak thanh a si nain, CNF nih 8 in a langhter). Credit. TCP