Yangon Ramṭhen Laak Khawh Ding In kahdohnak Kan Tuah Lai, Tiah Pyituh Brigade Nih An Thanh! Yangon ramṭhen chung hriamtlai phu hna nih ṭangrual in an dirhmi Pyituh Brigade nih cun, SAC ralkap pawl cu dot thum in kan doh hna lai i, Yangon ramṭhen laak ding in kan i zuam lai, tiah August 7 i zoom biaruahnak ah chinphuannak nawlngeitu nih a chim.
Yangon ramṭhen laak khawh ding in kan i zuam lai. Cu thil kan tuah khawh nakding ah cun kahdohnak ningcang tein tawlrel a si. Yangon ramṭhen um SAC ralkap hna cu dot thum in kan kah hna lai. A voi khatnak cu Rosy Wave tiah min pek a si, Rosy Wave ah cun faak tuk loin kan kah hna lai. Puahkehnak ti bantuk hmang in doh an si lai. A dot hnihnak cu Eagle Wave tiah min pek a si i, Rosy Wave nakin faak deuh in kan cawlcaang cang lai. A dot thumnak cu Dragon Wave tiah min kan pek i, a dot thumnak ah cun Yangon ramṭhen laak ding tiang in kan kah cang lai,” tiah chimphuannak nawlngeitu nih cun a chim.
Atu tiang ah cun Rosy Wave chung tiang lawng cawlcanghnak tuah a si rih i, a rauh hlan ah Eagle Wave dot in kahdohnak kan tuah cang lai, tiah Yangon ramṭhen Pyituh brigade in chimphuannak nawlngeitu nih cun a chim chap. Yangon ramṭhen Pyituh Brigade phu cu April thlachung ah hriamtlai phu 16 i fonh in dirhmi a si i, Justice Lady Mission min in a luancia June 27 ah cawlcanghnak an rak tuah. August thlachung zong ah cawlcanghnak voihnih an tuah cang. Credit: The Chin Post.
Relchap. Thantlang Khua Remh Tthannak Kongah Ka Hmuhning.Thantlang khua remhnak ah, atulio sa le ral lak ahcun, a si thiam rih lo, kan Lai phungthluk ah, “Lungcung cuang le thingpar va”, ti a si, lungcung ah a cuangmi lung cu, zeitin a rilh lai le a tlak lai ai theih lo bang, thingpar ah ai fu mi vate zong khoi a zuan lai ai theih lo bantukin, a tu koko ahcun, kan ram sining in, zeihmanh ai fiang kho rih lo caah a tu i remh ding cu a si thiam lai lo.
Ralhrang nih Kawlram ah, Inn le lo an duah an khanghmi a tampi ko nain, khuapi pakhat a si mi khua khangh i zaamtak viar mi khua cu Thantlang khua lawng a si, vanchiat lei ah Kawlram chung lawng siloin, vawlei pumpi le UN tiang a hnin tu khua Thantlang a si.A zei bantuk a si zong ah ral tei ta phot a hau ko, ral kan tei tik ahcun atulio i ralhrang bawi pipi le ralhrang he ai pehtlai mi,
Compony mirum pawl an ngeihchiah vialte chuh dih an si te lai, a tu Min Aung Hliang ngeihmi hmanh a tam in a tam taktak si, Cucaah khua an khanghmi vialte bawmh a si te lai, UN lei in siseh a dangdang in bawmhnak a um te lai caah a tu nakin dawh deuh le tha deuh in sakmi, Thantlang a si te lai, Ramthumnak i a ummi, kan fanau le International fimthiamnak an cawnmi, Ingineering lei cawngmi nih an sak te lai caah, a puitling mi khua dawh a si te lai ti ruahchannak nganpi he Sang Ling Thantlang
Breaking News. Laitlang panh in ralhrang kawlralkap an rak i thawh tthan. Tuni August Ni 7 zanlei suimilam pahnih le cheu ah Kalaymyo in Laitlang lei ah ralhrang kawlralkap hna cu an i thawh tthan. Hi konghe pehtlaiin khuami mithmutu hna nih an chimmi cu ralhrang kawlralkap hna cu raltuknak tank pahnih le motor pahra in Laitlang lei an kal kan hmuh hna tiah thanhnak an tuah.
Leave a Reply