Suu Kyi Afapa Kim Nih London Ah Lak Aduh. WAH (UWSA) Le Maingla (NDAA) Nih Self-Determination State An Halnak. (2022 ah Remnak a um kho lai maw? Analysis) Daw Aungsan Suukyi cu June 19,2022 ah Kum 77 atling cang lai nain Ralkap nih Inn thong ah atu tiang an chiah rih. Cucaah Daw Suh chung le a U pa Aungsan Oo le a fapa hniang KIM (Aungsan Lynn) nih UNHUR tang i Vawleicung Sihne ( Advocate)minthang Francois Zimeray le a hawi le pawl sinah ka Nu Suukyi hi
Kawl Ralkap Min Aung Hlaing le Soe Win an kidnap i an chiahnak/thuhnak kan thei lo caah UNHR i Phunghram Act-3 ningin rak kan kawl piak uh law, nan hmuh khawh asi ah cun, UN Phunghram ningin va hmuh i, kan umnak England ram London khua lak i a thih tiang zohkhenh kan duh tiah nawlnak(Court Appeals)an tuah than. UN Special Palai Dr. Noely Heyzer cu June thla chungah Myanmar tlawng a timhmi cu SAC nih Thailand Myanmar Embassy in amah Personal in a halnak cu kan pom loh i,
UNO Hqrs bak i, Secy-General Antonio Guterres nih Official bak tein rak kan hal hna seh an ti tha’n.Cun,ASEAN Palai Prad Sokhonn belte tha tein kan cohlang ko lai an ti. Tutan ah Daw Suukyi an ton kho lo ah cun, zeipipa chuahpi than dawh an si loh. A tak tak tiah cun, Myanmar ram cu SLORC Ralkap Cozah General Thanshwe chan lio July ni 23,1997 ah ASEAN member ah an lak i,U Thein Sein chan lio May 27, 2014 ah Myanmar rampi Nyphydaw ah U Theinsein cu ASEAN Chairman ah an rak chiah fawn.
Cucaah, ASEAN le Kawl Ralkap hi Unau bantukin arak ummi asi. June 15-17, 2022 INDO-ASEAN Meets cu New Delhi an nei lai nakah FM Wanna Muanglwin sawm ve loin Myanmar Foreign Secretary UChen Aye cu an sawm cang. Khatlei ah China nih Wanna Muanglwin cu Beijing ah tlawng dingin an rak sawm ve. SAC hotu MinAungHliang nih a sawmmi rem -daihnak ah Taingyinta NCA lei in RCSS,NMSP, KNU/KNLA (PC), ALP, PNLO, LDU le DKBA pawl- 7 an kai i,NCA min sign lomi UWSP, NDAA, SSPP pawl-3 an i tel i, KIA, KNU/KNLA, AA, KNPP, CNF le a dang pawl cu an kai duh loh.
May 20,2022 in biaceihnak cu Shan ram RCSS in an thawk i, RCSS Chairman General Yusit nih cun,Myanmar ram cu Federal Union uknak tang ah kal dingin a hal i, NMSP Vice Chairman nih cun Mon State ah mah tein Phunghram(Law & Judicial)siamkhawhnak nawl le Mon National Day cu Rampi Holiday ah phuan i hman siseh ti ah an hal ve i, KNU/KNLA(PC) Chairman Saw Tow Lay nih cun, Karen ram Greater State tiin Pegu Yuma tiang Federal State chung khumh dih dingin an hal ve. UWSA Vice Chairman Low Yaakok nih cun Gen. MinAungHliang sinah Wah Ram cu atu hnakin sang deuhmi (Self- Determined State)mah tein uknak pek dingin an hal i, Myanmar Ram in kan chuak lai lo nain Defence(Military) le Foreign (Diplomatic) telh loin a dang poh poh cu kan mah tein kan i uk lai tiah an hal i, NUPCC hotu General Yapih te he remnak min an thut than.
Cun, NDAA(Maingla) Vice Chairman Sa’on Pit he an i chawnhnak zongah NDAA nih cun Kawl ram in kan chuak lai lo na’in kanmah tein i uk khawhnak Full State rak kan pe veh ti’ah an hal i, NUPCC nih cun, 2008 Phunghrampi ningin Hluatdaw Cozah thar ah Phunghrampi kan rem hnu’in pek khawh kan i zuam lai ti’ah min thut nak an tuah than hoi fawn. Hi ka zawn ah hin Taayiang (TNLA) le Kokang-MNDAA pawl he ramri kongah biatak tein an buai tha’n theu lai.
13/2/22 Union Day hnu zongah NUPCC-Yapih pawl he hi hna pawl RCSS, ALP, DKBA, KNU (PC), NMSP, LDU le AEO’s tel lo pawl AA, SSPP, NDAA le UWSA pawl hi rak i chawnhnak an rak nei cang na’in zeihmanh a phi an chuahmi um lo in an rak kir cang hna. AA le UWSA hotu pawl cu Union Day lawng an kai hnu ah an zam cawlh. Cucaah Zeipipa achuak an zum cio loh. Wah, UWSA, NDAA-Maingla le KNLA-Kokang pawl an Ram le Miphun sining an tungtai van ngait tuah hna usih.
China-Myanmar ramri Shan Ram North-Eastern Nichuahnak chaklei kam bik i a ummi Wah le Kokang, Maingla(Mongla) Rampawl khi Burma le China nih Independent an hmuh hlan zongah le an hmuh hnu caan zeimawzet cu hohmanh nih an uk hna lo i, caan saupi an mah tein an rak khuasa. Kum 1900 hrawngah British le a tu China nih lak an timh i an la kho bel loh ti asi.
Kokang le Mongla pawl cu Ramukbawi-စော်ဘွား an rak neih cang hna na’in Wah belte cu an rak nei lo na’in Thailand chaklei le Chiangtung (ကျိုင်းတုံ) tiang kan rak yk dih an ti ve. British nih Shan ram an rak lak hnu zongah Caingtung le Mainglun tiang lawng an uk khawh. Vawlei Ralpi Ii nak 1938-9 ah khan Japan Ralkap nih Panglong khua kha arak hrawh dih caah Paan te Defense Forces pawl cu China ramri Yunan hmunah Wah, Kokang, Maingla pawl cu i komh in Japan ral an rak tuk ti.
1947-48 ah China le Burma cu Independent an van hmuh le cang ka in China ah Mao-Si-Tung hruaimi Communist pawl nih Ku- Min-Tann( ကူမင်တန်တရုတ်ဖြူ) pawl an rak doh i an thol hna caah Wah Ramah an rak zam i caan saupi khua an sa. China le Burma ah Ramchung/ Ramleng in doh nak/ buainak a um caah Wah/Kokang/Mongla ram cu a ho hmanhnih thitha in an uk kho hna loh.
1954 ah khan Wah, Kokang le Maingla cu i komh riangmang in. Mainghlao hmunram he fawnhin Shan State Nichuahnak chaklei vialte cu Special Divisions tiah an phuang i, China nih a bomh hna caah Burma Cozah nih zeiti hmanhin arak uk kho hna loh. Burma Prime Minister U Nu cu China ram mah a va tlawng i China Supreme Leader Taint-Song-Pihing he ton biaceihnak an nei hnu ah Kum-1960 ah Wah Ram Pannhung le Paanlow Ram 73 Sq/miles cu China ah a pek i, Maingla Triangle hmun tu kha Burma ah China nih a pek i,an rak i thleng.
Cun, China Ramah Burma nih a pekmi Wah pawl cu an thangcho thluahmah i,a donghnak ah China nihYee-Mann Full State uknak a pek hna. Burma i Wah Mino pawl cu China Cozah nih a bomh hna i, Sianginn tha tha ah Caa a cawng ter hna hnu ah Burma Wah Ramah a lut ter hna i, Ramukbawi le Kuomintang pawl a tuk ter i an thol dih hna. A tawinak in chimah cun, 1989 UWSA le Ralkap Cozah remdaihnak an tuah hnu i, UWSA Chairman asimi pawl Chuak- Nyi- Lai, Pok-Yu-Chian le a tu i an Chairman General Ta Phang te pawl hi 1960 hrawng i Siangkai hruaitu Muno Upa pawl an rak si.( Za rih seh mu. A hnu ah Analysis kan peh than te lai. Credit: MC Biklian
Leave a Reply