Rampi ruahnak petu Daw Aung San Suu Kyi cu tuni June ni 19 ah kum 77 a tling cang. Aung San Suu Kyi cu a nunnak lamthluan ah kum 35 chung rampi caah rianttuan in caan a hmangmi a si. Ralhrang kawlralkap hna nih atu le tu ti awk in an tlaih ruangah voi 16 bak a chuah Ni hi erhkhumh in a hmang cang.
Ralhrang lutlai Min Aung Hlaing nih nawlngaihnak a lak ah rampi ruahnak petu Aung San Suu Kyi cu case 19 in taza cuai a si. Tu bantuk ralhrang nih sualpuh tazai cuai in kharkhumh in an hren ruangah a tutan a chuahni sunglawi zong erhkhumh in a hmang tthan.
Aung San Suu Kyi cu kawlram mipi nih an duh bik mi le an uar bik mi politician pakhat a si. Tuni June ni 19 ah Aung San Suu Kyi chuah Ni a sibantuk in a biachim mi chungin a laar taktak pakhat Freedom From Fear timi ca keng in kut khat lei in 77 timi cafang ngan mi zong social media ah ralhrang dohkalhnak tuah dingin duhnak langhtertu hna zong an forhfial.
Cabia dang. Tutan Saya Van Tum catialmi cu a tthatuk hrinhran. Chinmi vialte hna nih i nunpi in theih a phu taktak mi a si. Saya Van Tum nih tutan ah a tialmi cabia tawite hi a hmantuk mi a si. A tawite ko nain a tlamtling taktak. Saya Van Tum nih a tanglei bantuk in cabia tawite a vun tial.
Kawlram bantuk dirhmun, buainak le harnak a phunphun a um lio can ko ahhin rian zong fak deuh in ttuan a hau i thluak zong fak deuh in hmanthiam a hau. Fimkhur tein le ralring tein a zeilei poah ah nundan thiam a hau. Thla zong fak deuh in cam a hau. Harnak a phun2 le buainak le ttaamhalnak a sau rih lai. Credit: Van Tum.
Leave a Reply