Ballon d’OR 2022 co dingah cun Liverpool superstar Sadio Mane hi aa tlak bik tiah Manchester United Goalkeeper tthing a simi Edwin Van der Sar nih a chim. France le Real Madrid hmaikal Karim Benzema zong hi tulio season ahcun a tha ngaingai ve mi le Tukum ballon d’or co dingah an zumh ngaimi a si. Asinain Van der Sar nih cun atanglei bantuk in a chim.
Karim Benzema nak in Sadio Mane nih hin tulio season a kal cuahmah mi ahcun aa tlak deuh tiah a chim chih. Benzema nih hin Ballon d’Or hmu dingah aa tlak bik maw tiah nan ka hal a si ahcun, a si lo, Sadio Mane hi aa tlak deuh tiah Goal sin ah a chim. Amah hi Cluba caah a cawlcangh a tthatuk hringhran.
Culawng siloin ram ca zongah a biapi taktak mi a si i, Ballon d’Or hi aphu bik cu a si ko tiah a chim. Sadio Mane hi kum 30 a si cang. Tulio season zuamnak kip ah hin puai 42 a chuih i, hi chungah goal 19 a khumh pin ah assist voi 3 angei cang. Cun Senegal caah Africa Cup of Nation alak pi hna lawng siloin World Cup chuih dingin aphak pi hna.
Leave a Reply