Nai Hakha le Falam karlak tukdohnak kong thawngfiang Chin National Organization CNO nih an vun langhter. May nihnih ah raltuknak Tank pahnih le Ralhrang motor 20 renglo, ralkap thaazaang minung 170 hrawng hna cu Chin ram kulh Hakha in Falam panh in an rak ra.
May nili le May ninga ah mipi vengtua ttangrul hna nih meng 26 le meng 20 hmun ah an rak bawh hna i Mine he an puah doh hna i ralhrang kawlralkap lei in minung 18 an thi. Ttangrual lei in pasalttha minung pariat nih ram le miphun caah an nunnak an pek.
Cu Ni ah ralhrang kawlralkap hna nih Ramthlo khua ah inn hra le Taal khua ah inn hleisarih an khangh. May niruk ah CNDF nih meng 16 ah Mine an rak puah hnawh hna i ralhrang kawlralkap minung pariat hrawng an thi i hliamtuar tampi an um hna. Cu ahcun CNDF lei himtein hnu an tolh. Asinain May ni 7 ah mine puahsualnak in CNDF ralkap pakhat a nunnak a liam.
Cabia dang. Van Tum nih a tialmi Bible thiamsang, theologians le biblical scholars cheukhat nih zarhpi ni i Nu le le pa le ni biakinn i tuah hi an pom lo, siasal biak phunkhat ah an ruah. Keizong ka pom ve lo. Zarhpi ni cu Pathian biaknak ca lawnglawng ah hman ding a si ko i cu ve bantuk in biakinn zong Pathian biaknak ca lawng2 ah hman ding a si ko.
Nu le Pa cu Pathian can ai phun ah chiah i biak hna a lo tak cu. Nu le pa cu nitin in kan hmuh hna i kan pawngte ah an um bantuk in dawt khawh peng ding tuk kha kan rian a si ko. Nu le pa Ni tuah kan duh ahcun ni dang ah tuah ding a si ko. Hmur le kaa le cattial lawng in nu le pa dawt cu a tlam a tling lo. Tuahsernak tuk in dawt kha a biapi deuh.Laimi hoi hna cu kan nu le kan pa hna hi tuahsernak in kan daw kho cio hna lo.
Kawl miphun hoi hna cu an nu le an pa an dawt ning hna le an upat ning hna khi zoh tik ah a biak in a biami ko an lo. An chimh an ngai bak, an ttihzah bak hna. Chim duhmi cu nitin le a nazi ttem in kan nu le kan pa upat hna ding an si ko. Nu le pa ni lawng i nu le pa a daw ngai bantuk phun si cu a deu si. Nu le Pa ni zong zarhpi ni le biakinn chungah tuah lo ah a ttha ka ti ve, Bible thiamsang cheukhat pawl ruahnak ka hrawm ve. Hringtu nu le vialte hna Pathian nih thluachuahnak phun2 le nun saunak in pe ko hna seh.
Leave a Reply