BIATAK TEIN KAN SUAL PHUANG HNA USIH. Kan biakmi BAWIPA PATHIAN nih kan bawm sehlaw, tuanah kan Miphun harsatnak hna hi kan teipiakin Daihnak hmu usih ti kan duh dih ko hna lai.BAWIPA PATHIAN cu kan sinah a um ko bu-ah zeicahdah a tu tiang dong kho loin, harsatnak a phunphun kan ton lengmang ko rih kan ti ahcun, BAWIPA i bawmh awk țhalo in kan rak sual i kan rak palh ve lengmang caah a si!
BAWIPA PATHIAN nih a kan bawmh lengmang ko nain, faakpi bawmh awk țha loin kan sualpalhnak nih a rak donh lengmang ruangah a si (Isaiah 59:1-2). Zeitin kan um kun lai i zeidah kan tuah kun lai? “Kan lungțhum hna usih law, kan sual i ngaichih hna usih,” ti ah le kan zual chinchin fawn țung hna!
Cucaah, hi pakhat te hi tuah khawhmi kan ngei rih; cucu “Sualphuan” hi a si! Johan 1:29 “Zohhmanh u PATHIAN TUUFA vawlei sualnak a kalpi tu khi,” timi bia ah i țhumhin, i hngatin, 1Johan 1:9 i a kan chimh bantukin, kanmah sualnak ca siseh, kan Miphun sualpalhnak ca siseh, biatak tein kan sual phuang lengmang hna usih.
1Johan 1:9 “PATHIAN sinah kan sualnak cu kan phuan hna ahcun, a dingmi le zumh awk tlakmi a si caah, a biakam kha let loin kan sualnak kha a kan ngaihthiam lai i kan palhnak vialte kha a kan thianhpiak dih lai. Fiang teiin ka hngalhmi cu, BAWIPA Velngeihnak le a Zaangfahnak nihcun a Hmai a kan hawih zungzal ko ti hi a si.BAWIPA Vel le Daihnak nan cungah um ko seh.KHRIH Lamkaltu
Tluang Lian (Martar)
Cabia dang. Halkha Khuapi Ralhrang Hna Meeting Le Thantlang Khua Upa Hna Kong. Halkha khuapi ah, Ralhrang hna nih, Thlachiar te (ပုံမှန်အစည်းဝေး ဋ္ဌါနဆိုင်ရာ အကြိးကဲ) pawl Metting an neih nak ah, Thantlang khua Dirh țhan nak tiin, Tlang tar nak Metting an tuah nak ah, Halkha khua ah Aum mi, Thantlang khua Upa hruai tu hna Ralhrang nih Metting ah an Sawm hna, Nan theicio ban tuk in, An. bia an El ngam hna lo,
Thantlang khua Upa zong nih, Ralhrang pawl uk nak duh Cohlan theng Asi lo,.Thantlang khua Tun mer țhan nak an chim tik ah Zei tin dah Ral pahnih kar lak ah, kan cawl ngam lai ti nak zong an chim ko nain, CNA nan bomh hna ti phun in Ahro hna,.Thantlang khua Upa zong hi, Nan mah kan mah ban tuk in, ralhrang hi an duh ve hna lo ti kha kan fian a hau,
Hlanlio ah ralkap khuate lei an tlun ah cun, khua bawi tlang Auh hmasa ban tuk in, Thantlang khua Upa cu, Halkha ah an um caah an Auh nak hna Asi,.Atu lio Online ah, Achung thil kal ning thei thlu loin, Mihrut hna e Dalan e ti hi, Ațha lo, Mihrut zong an si lo Mifim bochan mi an si ko, Halkha cu Duhzong duh lo zong ah, Ralhrang nih an Uk rih caah, Duh ning in cawl khoh Asi lo ti kha kan theih fian Ahau, Hi ban tuk A au khuang tawn mi hi, Vei pawl deuh kan si tawn hna, I ral ring deuh hna Usih.Aho te țanh nak theng um loin ka țial mi si. Credit: Sangling Thantlang.
Leave a Reply