Monywa ah ralhrang nih District council member ah an thimmi kahthah a tong. Tuni June ni 19 zingka suimilam pakua ah Sagaing Ramthen Monywa ah ralhrang council member ah an thimmi minung pakhat an kahthah tiah theih a si. A thimi hi Monywa i Chain Myawaddy sang i a ummi Council member Tan Zaw Htun a si.
Amah hi kum 40 minung a si. Tuzing ah khuapi ah motor in a kal lio ah an kahthah mi a si tiah khuami pakhat nih a chim. Amah hi Monywa District zung in a rak ra i, motor a mongh lio ah a tubantuk in an kahthah hi a si. Motor chungah a thi tiah an chim. Monywa khuapi cu a dihlak ti ngawt in ralhrang nih an phih ti a si.Tuni ah kahthah a tongmi District Council chungtel pakhat Tan Zaw Htun thahnak konghe pehtlaiin mizei dah a thattu an si i, zeibantuk phu nih dah an thah timi theih a si rih lo.
Cabia dang. Laimi tampi hi Ni sunglawi kan phak paoh ah hmuhning le ruahning siseh pom ning a dannak tete a chuak ttheu. Mother day tibantuk, Carson Sunday tibantuk , Cun Father day tibantuk, Culawng siloin Nubu sunday le Mino sunday tibantuk a dang tampi um rih. Hi pawl kan hmanmi hi tthenkhat nih cun an cohlang lo.
Thenthat nih cun a poilo tiah a timi kan um. Kan pastor tthenkhat hna zong hi zawn ahcun an hmuhning le ruahning aidang ngaingai hna. Thenkhat nih an duh i, thenkhat nih an duh in an pom kho ve lo. Tutan ah Laimi lakah fimthiamnak lei a lamkip in thil a thei taktak Israel R. Thang nih a hmuh ning atanglei bantuk in a chim ve.
Father Day e, Mother e, Judson day e, Carson day, Nu Sunday, Mino Sunday cu Sunday, kha Sunday etc.. Satan hlennak lawngte. Sunday cu PATHIAN NI ( Bawipa Ni) a si tiah Israel R. Thang nih a langhter.
Leave a Reply