Breaking News. Kalaymyo Lairawn khuapi caah thlacamnak in bawm cio hna usih. Atu hi ralhrang kawlralkap le mipi ralkap hna cu Kalaymyo khuapi ah an i kap cuahmah. Ralhrang kawlralkap uico pawl nih hriamnam ngan he hme he an kah cuahmah tiah theih a si. Hi konghe pehtlaiin atanglei bantuk in thanhnak an tuah.
Kalaymyo Tahan E Group le D Group ah siseh, Tahan A Group le B Group hmun kip ti awk ah ralhrang kawlralkap hna le mipi ralkap an i kap cuahmah. Hriamnam ngan a puak cuahmah. Hriamnam ngan hi an duhnak hmun paoh ah an kah ti a si. Cu lawng siloin bomb ngan thawng zong theih rih a si. Thlacamnak in kan bawm cio uh tiah an thanh.
Thawngpang dang.CDM tuah mi ka si tiah CNA camp lei an kalpi mi ralhrang 3 an zaam. 2022 June 10 Chuncung khua luh lai ah tlaih an tong i bia halnak an ngeih dih hnu CDM tuah ding in a zaam mi kan si ti a chimmi ralhrang minung pathum hna cu CNA camp an phak hnu ah an zaam than tiah theih a si. An tlaih ning kong he pehtlai in CCN nih thawng kan hlat tik ah Hakha in an i thawh ah mipi nih CDF sin ah thawng a thanh hna.
Thawng thanh ning bantuk in CDF nih an va fuh hna. Ke in an kal i Haimual Jeep motor an kham i a cung ah an kai. CDF nih an hmuh hna tik ah a hnu lei in an zulh than hna i Chuncung khua luh lai ah an tlaih hna, tiah kan theih. Atu a zaam mi ralhrang hna hi an tlaih hna in CDM tuah ah a zaam mi ka si tiah aa chim mi an si. Zaan khatnak CNA camp an riah hnu a zaan ah an zaam hi a si. A zaammi hna hi atu hmanthlak kan langhter mi hna hi an si. Credit: CCN Team
Leave a Reply