Paletwa ah ralhrang le AA an i kap cang. Tuni May ni 26 suimilam pahra in Rakhine le Chinram ramri Chinram kulh Palatwa ah ralhrang le AA an i kap cang. Hi konghe pehtlaiin khuami nih an chimmi cu Paletwa peng, Apawngsah khua pawngah an i kap cuahmah tiah a chim.
Atu zong an i kap cuahmah rih, Paletwa ah a ummi ralhrang hna zong nih hriamnam ngan in an kah. Kahdohnak a chuahnak hmun hi Paletwa in suimilam pakhat kal lawng a si tiah a chim. Paletwa khuapi in hriamnam ngan an kah thawng zong theih a si. Kahdohnak a cannak khuapawng Apawngsa khua lei chawnh tikah pawngkam ah an i kap ko tiah a chim.
Thawngpang dang. Nizan Kalaymyo Tahan inn pakhat ah hriamnam ngan a tlak ruangah inn ngeitu pakhat hliam a tuar. May ni 25 zan suimilam pariat le cheu hrawngah Kalaymyo Tahan inn pakhat ah hriamnam a tla i inn ngeitu hliam a tuar. Hi konghe pehtlaiin khuami pakhat nih a tanglei bantuk in a langhter.
Hriamnam ngan a tlak ah hin Zan suimilam pariat le cheu a si cang. A thawngpang zong kan theih. hriamnam ngan hi vanthat ah an coka lei ah a tla. Asinain inn ngeitu hi hliam a tuar nain faktuk cu a si lo tiah a chim. Nizan ah khan Kalaymyo ah hin meithal puah thawng le hriamnam puah thawng theih a si.
Hriamnam ngan a puah ruangah pawngkam inn zong a hninh dih pin ah tthenkaht zong a rawk pah ti a si. Khuapi chungah a ummi hna cu kan him lo ngaingai. Zeitik ah dah inn cung hriamnam ngan a rak tlak lai ti lawng kan ruat. Atu le bang cu ralhrang hna nih an duhnak hmun paoh ah hriamnam ngan an kah tiah a chim.
Leave a Reply