Breaking News. Ralhrang kawlralkap nih helicopter panga in an kah hna. Sagaing ramthen Khin Oo peng le Depezin karlak Nyaung Hla khua le Mayankan khua cun Yece le Namah khua telh in ralhrang kawlralkap hna nih helicopter in an kah hna i khuami hna cu an zam dih tiah theih a si.Tuni July ni 14 suimilam pakhat le minute sawmli ah ralhrang kawlrlakap hna nih helicopter panga hmangin khua hna cu an kah hna.Khuami hna cu nunhimnak ah an zaam dih hna. Hi konghe pehtlaiin Nyaung Hlah khuami pakhat nih a chimmi cu atu zong an kah cuahmah ko. Ralzam an umnak thingtang tiangin an kah tiah a chim.
Khuami hna cu Dipezin le Khin Oo peng ah an zam dih hna. Hi kahdohnak ruangah chiatnak tampi a chuak kho i, a sinain zeihmanh fiangtein theihmi a um rih lo tiah an chim chih. Tuzing suimilam pali ah ralhrang kawlralkap le mipi ralkap hna cu Ye Oo le Khin Oo lampi ah an i kap hna. Ralhrang hna cu bomb nih a puah hnawh hna i minung 8 nak tlawmlo an thi tiah theih a si.
Cabia dang. Cheuhra Cheukhat hi kan miphun luatnak ding caah hman phung a si hrimhrim loh; Pathian nih a rak thimmi Judah miphun hna nih hin an miphun luatnak ding caah tiin an ngeihchiah le an chawva le an nunnak tiang kha pekin an thawh bak ko nain Pathian caah tiin Cheuhra Cheukhat an rak pek cangmi hi cu an miphun luatnak ding caah cun an rak hmang hrimhrim loh.An rak hmannak hi Bible ah na hmuh a si ahcun cu Bible cacaang te cu pakhat tein ra kan hmunhsak ve law kan i lawm tuk ko hnga!. Cu bangin kannih Laimi phun zong hi Judah miphun he aa tahchun zungzalmi kan si nakin cu an nun phung cu kan zulh in kan tuah ve awk kha a si caah Pathian caah Cheuhra Cheukhat kan pek cangmi hi cu kan miphun luatnak ding caah hin cun kan hman lo awk hrimhrim kha a herhmi a si.
Kan rak hman a si sual ahcun Pathian sinah ngeihthiam hal ko hna u sih. Kan hal lo a si ahcun kan miphun nih kan dohmi zong hi kan thei kho taktak lai loh i luatnak zong cu kan duh in kan hmu kho lai loh. Dr le Rev le Bible fimthiamnak a ngeimi pawl zong nih hin Cheuhra Cheukhat hi kan miphun luatnak caah kan hman awk a si ko tiin an chim ve tawn. An palh taktak. Ka nawlh lai, an palh taktak.Cun Israel miphun hna nih an rak thawhmi cu Pathian caah tiin an rak pek cangmi Cheuhra Cheukhat kha si loin a dang tein an rak thawhmi tu kha an pekmi cu a rak si ko. Hi kongah hin lungthin lonak hna na ngeih a si ahcun biatak tein Pathin sinah thla rak cam colh. Cucaah cun dawtmi u le nau hna kannih zong nih hngal ve cang hna u sih tiah ka duhmi cu Cheuhra Cheukhat hi kan miphun luatnak ding caah hman phung a si hrimhrim loh timi hi a si.
Pathian muisam a cuangmi cu Pathian sinah pe ko. Sizar muisam a cuangmi cu Sizar sinah pe ve ko. Cu bantukin cun Cheuhra Cheukhat cu Pathian ta a si caah Pathian kha pe ko hna u sih. Cun kan miiphun luatnak ding caah cun Israel miphun hna bangin kan ngeihchiah le kan chawva le kan nunnak tiang kha a dihlak tein pe siang ve ko hna u sih.Cheuhra Cheukhat hna miphun luatnak ding caah pek ding a si tiah a au pimi hi cu Cheuhra Cheukhat si loin miphun luatnak ding caah tiin a dang te bakin a ngeihchiah le a chawva le a nunnak pek kha a rak sian zirziar pah lo caah hin a si ko. Hi biatak a relmi zumtu Laimi kan dihlak zong Pathian nih amah caah le miphun caah tiin thawh dingmi kong zongah hin a theiden thiam khawhnak fimnak zong kan pe cio ko seh. Credit: Johnly Fambawl.
Leave a Reply