Ralhrang kawlralkap pawl motor zakhat hrawng he Chinram panh in an kal cang. Pakhukhu in ralhrang kawlralkap hna cu motor zakhat he Chinram kulh Mindat lei ah an kal tiah theih a si. Magway ramthen Pakhuko in ralhrang kawlralkap motor zakhat hrawng hna cu Chinram kulh Mindat le Matupi lei ah an i thawh.
Tuni July ni 17 zingka suimilam pakua hrawngah ralhrang kawlralkap hna Chinram kulh mindat le Matupi lei ah an rak ra tiah CDF Mindat lei in thanhnak an tuah. Ralhrang kawlralkap hna nih an motor cu Muka an khuh caah zeibantuk dah an phurh timi theih a si lo. Fiangtein atang kawlca hi relchih.
ပခုက္ကူကနေ စစ်ကောင်စီ ယာဉ်တန်း အစီး ၁၀၀ ဝန်းကျင် မင်းတပ် ဘက်သို့စတင်ထွက်ခွာ. မကွေးတိုင်း၊ ပခုက္ကူမြို့ကနေ စစ်ကောင်စီ ယာဉ်တန်း အစီး ၁၀၀ ဝန်းကျင်ဟာ ချင်းပြည်နယ် မင်းတပ်-မတူပီ ဘက်သို့ ယနေ့ ဇူလိုင် ၁၇ ရက် မနက် ၉နာရီက စတင်ထွက်ခွာလာတယ်လို့ CDF မင်းတပ်က သတင်းထုတ်ပြန်ထားပါတယ်။ စစ်ကောင်စီကားတွေဟာ မိုးကာနဲ့အလုံပိတ်ထားတာကြောင့် ဘာတွေသယ်ဆောင်ကြတာလဲဆိုတာ မသိရပါ။ ကားပေါ်မှာ အမျိုးသမီးတွေလည်းတွေ့ရပြီး အဓိက ရိက္ခာနဲ့ လက်နက်ခဲယမ်းတွေတင်ဆောင်ကြမယ်လို့ယူဆရပါတယ်။
Pathian bia. Khamh Co le Khamh Fian Cu Ai Khat Lo.Johan 20:31 Hi thil lianngan a tuahmi hna ka tialnak chan cu, nannih nih Jesuh cu Messiah, Pathian Fapa asi ti kha nan zumh i cu nan zumhnak thawng in amah min in nunnak nan hmuh nakhnga caah asi.1Johan 5:13 Pathian Fapa a zummi nih nunnak kan ngei ti kha nan i hnglah khawhnak hnga hi ca hi kan kuat hna. Thantlang kan um lio ah vawi khat cu Yangon in Bohthaw Baibal sianginn sayakyi Rev. Hau Lian Kham le a sianghngakchia pawl an kan tlawng. Rev James Biak Lian cu kan innah a kan tlung i Rev. Hau Lian Kham tu cu Pu Thla Awr te inn ah ai thum.Ai manh liote ah ka va leeng i bia ka hal. Sayakyi, zeitikah dah na pianthar? ka ti. Aka lehnak cu Kannih unau rual cu kan no Rlioten ka nu le ka pa nih thawng tha bia an kan chimh lengmang caah ka hngakchiat lio in khamhnak cu ka co tiah ka ruah.
Kham kai fian belte hi Tidim i Baptist Church i pastor ka tuan hnu ceu ah asi,” ati. Cu a bialehnak nih khua a ka ruahter. Khamh co le khamh fian hi ai dang dah mu tiin. Hakha ah kan i thial i pastor ka van tuan.Kan um hnu tlawmpal ah Sayamah Bawi Cin Pa ( Pu Hrang Nawl) te chung an van i thial ve. Pu Hrang zong phung a chim len cang. Amah ai thial hnu ah Thantlang peng i kan pa hmasa cem Rev. Van Lo zong Hakha ah a van i thial ve.Pu Hrang nih cun apa Rev. Van Lo cu ava leeng i Khrih thisen kong a va cawnpiak. Mah hnu i kan pa Rev. Van Lo nih bia a chimhmi cu a ka chimh chin. Hitin ati Ka fa Nu Bawi pa, cutluk kai lawmh cu dah. Cuhlan i vancung kai kai timh dan cu rangtum mei i tlaih i chokai mi ko ka lo. Atu Jesuh thisen i tlanhnak na van ka theihter hnu cun aw rangtum mei kai tlaih ti loh, a cungah kai cit cang le a nuam tuk cang ai.” Mifim le thlaraumi ciammam.
Pu Hrang i a chimh hlan khan kan pa cu a lung ai thleng i Jesuh Khrih a zummi asi caah khamhnak a rak co ko cang. Asinain khamh a van i fian cu a fapa Bawi Cin Pa nih a chimh hnu in asi. Hi kong ruah set tikah khamh co le khamh fian cu ai khat lo ti a fiang. Kan Lairam ah Pathian a um ti le Jesuh Khrih cu misualmi kan caah a thi i a thothan ti an rak theih tikah kan pule le kan pile zeimawzat nih an lung an i thleng i tipil an ing i khrihfabu ah an lut. Mah hna kha Jesuh cu Pathian Fapa asi ti le Messiah ( Khrih) asi ti an zumh paoh ahcun Johan nih a ti bang NUNNAK an co ko lai. Asinain Rev.Hau Lian Kham le kan pa Rev. Van Lo bantuk in khamh an rak i fiang ve lo. Khamh fian cawnpiak cu kannih Lairam ah cun kum 1971 le 72 hrawng in ai thok ti ning law ka palh tuk lai lo. Falam, Hakha, Matu le Thantlang peng ahcun Evangelist Phun Uk, Pu Lian Bik le Pu That Nuai te hna nih khamhnak thawng tha biatak le hrinthannak hi an rak aupi hmasa bik.
An pathum tein Zahnak tlang lawngte an si. Cun Mirang ca rel kho le chim kho zong an si pinah cozah rian tuan an rak si fawn. An chim hlan deuh ah Rangoon ah Rev. Myo Chit le U Tin Maung Thu le U Aung Hlah te pawl nih khamhnak ( hrinthannak) hi an rak aupi len cang. Evagelist Phun Uk cu kum 1972 hrawngah Rangoon zongah hrinthan kong hi arak aupi cang. Acunglei Pathian bia ka tarmi hi thaten rel hmanh. Johan nih Johan thawngtha cauk a tial cu Jesuh kha mi nih kan zumh i cu kan zumhnak thawng in NUNNAK kan conak hnga tinh in a tial,Johan 20:31. Asinain Johan thiam nih Johan cakuat pakhatnak a tial channak cu Pathian Fapa a zum cangmi nih zungzal NUNNAK kan ngei ti kan i HNGALHNAK caah a tialmi asi,I Johan 5:13. Khamh co cu vancung luhnak caah asi i khamh fian cu teinak nun ngeihnak caah asi.
Kei zong hi kham ka co hnu ah voi tampi biatak kongah ka buai tawn. Keimah te i Baibal study cauk ka relnak, midang cauk ka relnak, Pathian mi hman hna an phungchim ka ngaihnak, mekazin phunphun ka relnak le a lang i cawnnak Baibal sianginn i kum thum biatak thlak i ka cawn hnu ceu ah khamh co le khamh fian a dannak hi ka lung a pem ve. Hlan ahcun ninghngal ngai in bia chim hna ka rak hmang. Khamh ai fiang lomi, Pathian mi an si lo ti tluk in kan rak ruah sual. Biatak a dirpitu khrihfabu le Baibal sianginn tampi nih cun khamh co le khamh fian hi thaten an cawnpiak hna. Khamhfian nak kong hi cu khrihfa nun an cawnpiak tikah a hmasa bik ah an cawnpiak tawn hna. Nihin i ka van tialmi hi biatak thleidan thiamnak caah a herh tukmi asi. Careltu dihlak kan i fian khawh nak lai Thiang Thlarau nih lam kan hruai ko seh.. Amen!!Nan hawile share ve hna u. Bawipa riantuan phun khat asi. Credit: Thio Za
Leave a Reply