Breaking News. Chinmi vialte hna Chin ralkap hna caah thlacamnak in bawmcio hna usih. Hakha le Falam karlak ah ralhrang kawlralkap le Chin ralkap kahdohnak an pehzulh cang. Atu hi Falam le Hakha kar ah kahdohnak an i kap cuahmah cang. Kan Chin ralkap hna caah thlacamnak in bawmcio hna usih.
Thawngpang dang. Min Aung Hlaing cu a nupi nih fak ngai in a sik. Ralhrang hruaitu Pu Min Aung Hlaing cu a nupi nih fak ngai in a sik tiah theih a si.Ralkap bawi chungkhar kong a hlathlai tu hna nih an chimnak ahcun Min Aung Hlaing te chungkhar zong hi an buai ngai ve cang tiah an chim. Min Aung Hlainh nihcun uknak a lak tikah an inn chungkhar ah buainak fak tuk a chuak. A ruang cu an sipuazi le company pawl tha tein an kal kho pi ti lo.
Min Aung Hlaing a nupi zong comaony a ngeimi a si i a fapa le fanu zong company a ngei mi an si. Cu an company pawl cu tha tein an kalpi kho ti lo caah an kar ah buainak fak ngai a chuak tiah an chim.Min Aung Hlaing nih uknak a lak hlan ah khan cu an company hi tha tuk in an rak kalpi khawh cang i phaisa zong tampi a miak an rak ngah tawn.Sinain uknak an lak hnu ahcun an mah chungkhar zong duh ning in an umkal ngam ti lo. An kut tang ah rian a tuanmi hna zong duh ning in an umkal ngam ti lo i rian an tuan kho ti lo.
An company cu ralkap le palik nih an ven. Mandalay ah Min Aung Hlaing fanu nih a ngeih mi hotel ah ho hmanh an kal in an tlung ti lo. An mah ralhrang bawi pawl tlunnak le umnak lawng ah an hman cang.An thil tuah mi poh a sinpi kho ti lo caah Min Aung Hlaing le an nu kar ah buainak a chuak cang. An nu nihcun uknak rak la hlah law mah bantuk harnak le buainak hi kan tong hnga lo tiah a ti.Min Aung Hlaing te pawl an buainak hi a zual tuk cang. Cu ruang ah a si khawh ahcun Min Aung Hlaing nih uknak hi thlah zokzok a duh cang. Thimnak tuah zokzok i a mah zong a him khawhnak ding in thil tuaktan a duh cang. Sinain a tu ch Cakei mei ai tlaih sual cang. Credit: The Chin Star.
Leave a Reply