Breaking News. Atu hi Halkha khuachung ah a ummi ralhrang palek sakhan an phomh, Palek nih ruahdomh in mipi umnak inn lei an kah, tuhi ralhrang motor pahnih rang tak in lamton(lansung) leiah an kal caah mipi umkal rak i ralring cio ulaw. Credit: Salai Williams Hlawnceu
Thawngpang dang. Mingalardone Ah Khuabawi pa Le A Nupi Cu Hriamtlai Phu Nih An Kah Thah Hna. Yangon ramṭhen, Mingalardone peng ah motor in a kalmi khuabawi pa le a nupi cu nihin August 2 zinglei ah hriamtlai phu pakhat nih meithal in an kah thah hna, tiah theih a si. Kah a tong mi hna hi Ṭhohcianh peng, Shwenanthar khua mi Win Naing Htun, kum 49 le a nupi He Mar Lwin, kum 42 an si, tiah theih a si.
An fapa kum 13 le an fanu kum 12 hna cu sianginn an va thlah hna lio ah Ṭhohcianh peng Daw Ngu hlei ah puahkehnak a chuak i an motor cu a dir. An dir lio ah cycle pahnih in minung 6 an ra i, meithal in an kah thah hna, tiah Myanmar Now nih a ṭial. Cu meithal kahnak ah an fale ngakchia pahnih cu hliamhma an pu lo. A pawngkam hrawng cu SAC ralkap nih lam an kham dih, tiah theih a si. Credit: The Chin Post.
Dr. Rual Uk Cabia. ONENESS PAUH PAUH KHRIH VAILAMTAHNÂK RAL AN SI.Oneness ai timi pauh Khrih vailamtahnâk ral an si timi hi na ruat bal maw! Oneness Judah mi hna cu Pathian pakhat lawng a um timi zumhnâk nih an thlarau mit a cawtter hna i cân saupi an rak hngahmi an Messiah, Pathian Fapa Jesuh a rat tikah taksa mit in hmu ko nain thlarau mit in an hmu kho ti lo.
Vailamtahnâk ah an rak khenh chih i nihin tiang Khrih Vailamtahnâk ral ah an i cang. Oneness Muslim hna nih oneness Judah mi bangin Pathian pakhat ALLah lawng a um timi zumhnâk nih an thlarau mit a cawtter ve hna i Biakam Hlun ah Pathian mi Adam, Noah, Abraham, Moses le Pathian Profet hna kha an pom hna ko nain:- Pathian thlahmi Messiah Jesuh, Pathian Fapa a sinâk an hlawt i Pathian thlahmi profet pakhat ceu ah an cohlân.
An zumhnâk cauk Qu’ran nih Vailamtahnâk ah an khenhchih mi kha Jesuh si loin Jesuh aiawh in mi dang pakhat kha an khenhchih tiah a ti i nihin tiangin Khrih Vailamtahnâk ral ah an i cang. Oneness Jehovah’s Witness ai timi hna zong Jehovah lawng lawng Pathian a si timi nih an thlarau mit a cawtter ve hna i Jesuh Pathian a sinâk kha hlawt in Jesuh kong țialnâk Johan dal khat câng a ah Bia cu Pathian a si’ timi kha ‘bia cu pathian pakhat a si’ (the Word was God timi kha the word was a god) tiah Pathian Bia kha a cafang an thlen hnu ah cafang dang an chap.
Onenss Jehovah’s Witness ai timi hna nih hin Jesuh an khenhchihnâk kha Vailamtahnâk ah a si lo. Tung an bunhmi ah pei an khenhchih ko cu tiah an ti i nihin tiangin Khrih Vailamtahnâk ral ah an i cang. An i pumhnâk ‘Kingdom hall of Jehovah’s Witnenss’ tiah an timi ah vailamtahnâk zong an umter bal lo.
Onenss UPC hna zong Pathian pakhat lawng timi nih an thlarau mit a cawtter ve hna i online ah kan hmuh bangin Mizoram UPC hna nih Lamzawhnâk (Sandahpiahnâk) an ngei i an hruaitu nih anmah Mizo holh in Isuan Kross ah min chhandam em? tiah a hun ti i mibu nih ‘Min chhandam lo’ tiah an au.
Lai holh ah cun Jesuh nih Vailamtahnâk ah a kan khamh maw? tiah hruaitu nih a hun ti i mibu hna nih A kan khamh lo’ tiah an ti.An nih UPC hna Khamhnâk Thawngțha cu Vailamtahnâk ah Jesuh nih misual caah a nunâk a pekmi kha si loin Jesuh min i tipil in’ kha a si.Vailamtahnâk cungah Jesuh nih “Ai lim cang (It is Finished) a timi kha tlanhnâk lawng pei a lim ko cu Khamhnâk cu Jesuh min tipil in hi a si tiah an ti i nihin tiang Khrih Vailamtahnâk ral ah an i cang. Khrih Vailamtahnâk ral an si.(they are the enemies of the cross of Christ) Filipi 3:18. Credit: Dr. Rual Uk.
Leave a Reply