Breaking News: Hakha Phone Chonh A Ngah Lo .Regime cut telecommunication in Chin State’s Hakha (English Below) 2022 July 26 – Hakha phone chonh a ngah lo tiah kan theih. Ramchung le ramleng in Hakha ah phone an chawn kho lo tiah The Chinland Post sin ah thawng an rak kan pek. Nihin zaanlei sang ah, Hakha khua kiangkap ah kahdohnak a chuah hnu in,
Chin ramkulh khualeng ah a ummi, hmun dangdang in Hakha cu internet, mobile/phone line a pahnih in kan chonh i a ngah lo tiah an chim.Yangon ah a ummi cheukhat nih, Hakha ah kan chungkhat kan chonh hna, mobile/landline tiah kan call i a ngah lo tiah July 26 zaan sml. 8 tluk ah The Chinland Post sin ah an chim. Updated at 8:45 pm – Ralkap lei pehtlai nih an cawkmi Telenor, ATOM lawng hi chawnh khawh a si tiah cheukhat sin in kan theih. Credit: The Chinland Post.
Thawngpang dang/Ram le miphun caah ka Fapa nih a nunnak a pek caah kai uangthlaartuk tiah U Phuo Zayar Thaw a nu nih a chim. Ralhrang kawlralkap hna nih ramkheel ruangah an tlaihmi minung pali U Phyo Zaya Thaw le U Kyaw Minyu, U Hlah Myo Aung le U Aung Thura Zaw hna cu Insein thongin chungah an thah hna. An thahmi chung ah U Phyo Zayar Thaw hi NLD pali tthing a si.
Cun Ko Jimmy timi Kyaw Minyu hi 88 chan lio ah sianghngakchia hruaitu pakhat a si. A dang minung pahnih zong hi ramkhel ruangah an tlaihmi hna a si i, ralhrang nih thah dingin biachahnak an tuah hna hnu ah atu bantukin an thah hna hi a si. An thah hna ni le caan hi an thanh lonain dotthlettu hna nih thenkhat nih July ni 23 ah thah an si tiah an thanh.
An thah hna hlan ah hin ralhrang kawlralkap hna nih chungkhar hna he tonnak an ngaihter hna. Mah zong hi online hmangin an chawnhter hna ti a si. Hi lio caan ah hin thah an si lai nak kong zeihmanh an chim hna lo. Asinain thawngpang a vun chuah hnu lawng an thei ve. Hi konghe pehtlaiin U Phyo Zayar Thaw a nu nih a tanglei bantuk in a chim.
Phyo Zazar Thaw a nu Dr. Daw Khin Win May nih a timi cu ka fapa hi misual le mifir a si lo. Ram le miphun caah a nunnak a pek mi cungah kai uangtuk. Zeitik Ni le caan ah an thah timi cu ka thei lo. July ni 25 chung ah Yangon Insein thonginn a ruak kan va hal hna. Asinain thonginn hngaktu hna nih kan inn pe hna lai lo tiah an chim. Ka Fapa i a ruhro lawng zong kan sin phak kan duh thatein kan vui lai tiah a chim.
Leave a Reply